देशामध्ये अभिव्यक्ती स्वातंत्र्य असले तरी देश विरोधी विचारांना अभिव्यक्ती स्वातंत्र्याची उपमा देता येणार नसल्याचे भाष्य भारतीय जनता पक्षाचे अध्यक्ष अमित शहा यांनी केले. कर्नाटकमधील मंगळूरमधील आयोजित तिरंगा यात्रेत अमित शहा सहभागी झाले होते. यावेळी त्यांनी अभिव्यक्ती स्वातंत्र्य आणि देशविरोधी वक्तव्यावर भाष्य केले. देशामध्ये अभिव्यक्ती स्वातंत्र्य असून प्रत्येकाला आपले विचार व्यक्त करण्याचा अधिकार आहे. मात्र, देश विरोधी विचारांना स्वातंत्र्य देता येणार नसल्याचे त्यांनी यावेळी म्हटले.