27 September 2020

News Flash

विजय मल्ल्या फरारी घोषित

मल्या कारवाईच्या भीतीने २ मार्च रोजी भारत सोडून पळून गेला आहे.

| June 14, 2016 05:51 pm

VijayMallya : मागील आठवड्यातच आयडीबीआय बँकेच्या ९०० कोटी रुपयांच्या कर्ज घोटाळ्याप्रकरणी मद्यसम्राट विजय मल्या याची मुंबई आणि बंगळुरू येथील १,४११ कोटी रुपयांची मालमत्ता अंमलबजावणी संचालनालयाने शनिवारी जप्त केली होती.

भारतीय बँकांची तब्बल ९००० कोटींची कर्जे बुडवून परदेशात पलायन केलेल्या मद्यसम्राट विजय मल्ल्या याला मंगळवारी फरारी म्हणून घोषित करण्यात आले. अंमलबजावणी संचलनलयाने (ईडी) यापूर्वीच मल्ल्यांना फरारी म्हणून घोषित करण्याची मागणी केली होती. मल्ल्या यांना फरारी घोषित केल्यानंतर इंग्लंडकडून त्यांचे हस्तांतरण करणे शक्य होईल, असा दावा ‘ईडी’ने केला होता. अखेर आज मुंबईतील विशेष न्यायालयाने कलम ८२ अंतर्गत मल्ल्याला फरार म्हणून घोषित केले.
विजय मल्याची १,४११ कोटींची मालमत्ता ‘ईडी’कडून जप्त
मागील आठवड्यातच आयडीबीआय बँकेच्या ९०० कोटी रुपयांच्या कर्ज घोटाळ्याप्रकरणी मद्यसम्राट विजय मल्ल्या याची मुंबई आणि बंगळुरू येथील १,४११ कोटी रुपयांची मालमत्ता अंमलबजावणी संचालनालयाने शनिवारी जप्त केली होती. आर्थिक गैरव्यवहार प्रतिबंधक कायद्याप्रकरणी ‘ईडी’ ही कारवाई केली होती. या मालमत्तेत मल्याचे ३४ कोटी रुपयांची बँकेतील रोख रक्कम, मुंबई आणि बंगळुरू येथील घरे अनुक्रमे १३०० आणि २२९१ चौरस फुटाची घरे, चेन्नई येथील ४.५ एकरचा औद्योगिक भूखंड, कूर्ग येथील २८.७५ एकरवरील कॉफीची बागायत, युबी सिटी आणि बंगळुरू येथील निवासी तसेच औद्योगिक बांधकामे आदींचा समावेश आहे. विविध बँकांचे नऊ हजार कोटींचे कर्ज थकवणारा मल्ल्या कारवाईच्या भीतीने २ मार्च रोजी भारत सोडून पळून गेला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2016 5:24 pm

Web Title: special pmla court in mumbai issues order under section 82 to declare vijaymallya a proclaimed offender
टॅग Ed,Kingfisher
Next Stories
1 भ्रष्टाचाराच्या आरोपांनंतर केजरीवाल सरकारमधील गोपाल राय यांचा राजीनामा
2 चीनकडून देशातील तरुणांना ‘स्पर्म’दानाचे आवाहन, बदल्यात ६५ हजार रुपये किंवा आयफोन
3 ‘त्या’ मंत्र्याने ‘डिअर’ म्हटल्याने स्मृती इराणी नाराज; ट्विटरकरांच्या मजेशीर प्रतिक्रिया
Just Now!
X