07 March 2021

News Flash

अध्यात्मिक धर्मगुरू श्री.श्री. रविशंकर यांच्याकडून ‘कमळा’चा अनोखा प्रचार

आगामी निवडणुकांच्या पार्श्वभूमीवर अध्यात्मिक धर्मगुरू श्री. श्री. रविशंकर यांच्याकडून भाजपचे प्रचारचिन्ह असणा-या 'कमळा'चा अनोख्या पद्धतीने प्रचार करण्यात येत आहे.

| March 20, 2014 04:28 am

आगामी निवडणुकांच्या पार्श्वभूमीवर अध्यात्मिक धर्मगुरू श्री. श्री. रविशंकर यांच्याकडून भाजपचे प्रचारचिन्ह असणा-या ‘कमळा’चा अनोख्या पद्धतीने प्रचार करण्यात येत आहे. हिंदू पुराणकथांनुसार संपत्तीची देवता लक्ष्मी  कमळावर विराजमान असल्याचे श्री.श्री. रविशंकर यांनी आपल्या भक्तांना सांगितले. त्याचप्रमाणे मरणासन्न अवस्थेत असणा-या देशाला वाचविण्यासाठी बदल घडवून आणण्याचे आवाहनसुद्धा त्यांना आपल्या भक्तांना केले. तसेच आम आदमी पक्ष हा सच्चा असला तरी राजकीय दृष्ट्या कच्चा असल्याचेसुद्धा श्री.श्री. रविशंकर यांनी आपल्या भक्तांना मार्गदर्शन करताना सांगितले. दिल्लीमधील वसंत विहार भागातील एका मेळाव्यात संपत्तीची देवता लक्ष्मी आणि कमळाच्या महत्वपूर्ण नात्याची जाणीव रविशंकर यांनी आपल्या भक्तांना करून दिली. ‘आर्ट ऑफ लिव्हिंग’ संस्थेशी संबंधित असणारे भाजपचे दिल्लीतील उमेदवार महेश गिरी यांनी बुधवारी श्री. श्री. रविशंकर यांची भेट घेऊन आपल्या प्रचाराला सुरूवात केली. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 20, 2014 4:28 am

Web Title: sri sri wisdom for followers lakshmi always rides on lotus
Next Stories
1 निवडणूका म्हणजे वैचारिक लढाई- राहुल गांधी
2 ‘अड’वाणी पुन्हा रुसले!
3 अतिआत्मविश्वास ‘भाजप’ला महागात पडेल- शरद पवार
Just Now!
X