20 September 2020

News Flash

ट्विटरवर सुषमा स्वराज यांची कमाल , ट्रम्प ठरले अव्वल ; मोदींचा क्रमांक काय?

जगभरातील नेत्यांच्या तुलनेत अमेरिकेचे राष्ट्रपती डोनाल्ड ट्रम्प ट्विटरवर सर्वाधिक फॉलोअर्स असलेले नेते ठरले

जगभरातील नेत्यांच्या तुलनेत अमेरिकेचे राष्ट्रपती डोनाल्ड ट्रम्प ट्विटरवर सर्वाधिक फॉलोअर्स असलेले नेते ठरले आहेत. तर पंतप्रधान नरेंद्र मोदी याबबातीत तिसऱ्या स्थानावर असून व्हॅटिकन सिटीचे पोप फ्रान्सिस दुसऱ्या क्रमांकावर आहेत. दुसरीकडे केंद्रीय परराष्ट्र मंत्री सुषमा स्वराज यांनी ट्विटरवर कमाल केली आहे. त्या जगातील सर्वाधिक फॉलो केल्या जाणाऱ्या महिला नेता ठरल्या आहेत. संपूर्ण क्रमवारीचा विचार करता स्वराज यांचा सातवा क्रमांक लागतो. याशिवाय सुषमा स्वराज या जगभरातील सर्वाधिक फॉलो केल्या जाणाऱ्या परराष्ट्र मंत्रीही ठरल्या आहेत. कम्यूनिकेशन एजन्सी बीसीडब्ल्यूच्या अहवालातून ही माहिती समोर आली आहे.

या अहवालानुसार राष्ट्रपतीपदाचा पदभार सांभाळल्यापासून ट्विटरवर ट्रम्प यांच्या फॉलोअर्समध्ये दुपटीने वाढ झाली आहे. सध्या ट्रम्प यांचे ट्विटरवर 53 मिलियनहून जास्त फॉलोअर्स आहेत. पोप फ्रान्सिस यांचा याबाबतीत दुसरा क्रमांक लागतो, त्यांचे ट्विटरवर सध्या 47 मिलियन फॉलोअर्स आहेत. तर ट्विटरवरील लोकप्रियतेच्या बाबतीत पंतप्रधान मोदी तिसऱ्या क्रमांकावर असून त्यांचे 42 मिलियन फॉलोअर्स आहेत.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2018 8:51 am

Web Title: sushma most followed woman leader on twitter pm modi third most followed
Next Stories
1 बलात्काराबाबत आक्षेपार्ह ट्वीट : जम्मू-काश्मीरच्या टॉपर IAS अधिकाऱ्याला नोटीस
2 पाकिस्तानात निवडणूक रॅलीत आत्मघाती स्फोट; एका उमेदवारासह १५ जण ठार
3 आता काँग्रेस एकत्रित निवडणुकांविरोधात ; तळ्यात-मळ्यातील भूमिका सोडली!
Just Now!
X