मियामी : फ्लोरिडातील अमेरिकेच्या नौदल तळावर गोळीबार करून एका व्यक्तीची हत्या करणाऱ्या हल्लेखोराला ठार करण्यात आल्याचे पोलीस आणि लष्करातील अधिकाऱ्यांनी शुक्रवारी सांगितले. ‘एनएएस पेन्साकोला’वर आता हल्लेखोर नसल्याचे एस्कॅम्बिया परगण्याच्या शेरीफ कार्यालयातून ट्वीट करण्यात आले आहे. हल्लेखोर ठार झाल्याचे ट्वीट संदेशात म्हटले आहे. यानंतर पेन्साकोला बंद करण्यात आले आहे. या गोळीबारात अनेक जण जखमी झाल्याचे सांगण्यात येत असून त्यांना स्थानिक रुग्णालयात दाखल करण्यात आले आहे. या तळावर १६ हजार लष्करी अधिकारी आणि सात हजारांहून अधिक नागरिक आहेत.
