20 September 2020

News Flash

जगाला दिशा देण्यासाठी हे शतक भारत आणि आफ्रिकेचे – नरेंद्र मोदी

भारत आणि आफ्रिकेतील ५४ देशांच्या शिखर संमेलनाचे उद्घाटन गुरुवारी झाले.

आफ्रिकेतील ५४ देशांच्या प्रमुखांची तेथून आलेल्या शिष्टमंडळांशी मोदी स्वतंत्रपणे चर्चा करणार आहेत. भारत आणि या देशांमधील द्विपक्षीय संबंध आणखी दृढ करून व्यापाराच्या दिशेने पाऊल टाकून तिथे गुंतवणूक करण्याचेही सरकारने निश्चित केले आहे.

जागतिक अर्थव्यवस्थेमध्ये भारत आणि आफ्रिका हे दोन्हीही आशा व संधींचे दोन चकाकते बिंदू असल्याचे प्रतिपादन पंतप्रधान नरेंद्र मोदी यांनी गुरुवारी नवी दिल्लीमध्ये केले. भारत आणि आफ्रिकेतील ५४ देशांच्या शिखर संमेलनाचे उद्घाटन गुरुवारी झाले. त्यावेळी बीजभाषण करताना मोदी यांनी भारत आणि आफ्रिकेतील देशांचे संबंध आणि भवितव्य यावर सविस्तर विवेचन केले. आफ्रिकेतील ५४ देशांचे प्रमुख या शिखर संमेलनासाठी दिल्लीमध्ये आले आहेत.
ते म्हणाले, भारत आणि आफ्रिका या दोघांनाही जोडू शकेल, असा महत्त्वाचा दुवा म्हणजे दोन्ही ठिकाणची तरुणाई. दोन्हीकडे एकूण लोकसंख्येच्या दोन तृतीयांश लोकसंख्या ३५ वर्षे किंवा त्यापेक्षा खालील वयाची आहे. जर कोणत्याही देशाचे भविष्य त्या देशातील तरूणांकडे असते, असे म्हटले तर या शतकाला दिशा देण्याचे काम भारत आणि आफ्रिकेतील देश करू शकतात. हे शिखर संमेलन म्हणजे केवळ भारत आणि आफ्रिकेतील देशांच्या प्रमुखांची बैठक नाही. जगातील मोठ्या लोकसंख्येची स्वप्ने या निमित्ताने एकाच छताखाली आली आहेत. आफ्रिकेतील वेगवेगळ्या ५४ देशांच्या रंगांमुळे जगाची विविधता आणखी खुलली आहे.
आफ्रिकेतील ५४ देशांच्या प्रमुखांची तेथून आलेल्या शिष्टमंडळांशी मोदी स्वतंत्रपणे चर्चा करणार आहेत. भारत आणि या देशांमधील द्विपक्षीय संबंध आणखी दृढ करून व्यापाराच्या दिशेने पाऊल टाकून तिथे गुंतवणूक करण्याचेही सरकारने निश्चित केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 29, 2015 12:50 pm

Web Title: this century is ours to shape world says modi
टॅग Narendra Modi
Next Stories
1 कलामांचे निवासस्थान केंद्रीय मंत्र्यांना देण्यावरून दिल्लीत नवा वाद
2 ज्येष्ठ शास्त्रज्ञ पी.एम. भार्गव सरकारला पद्मभूषण पुरस्कार परत करणार
3 काश्मीरमधील चकमकीत लष्कर-ए-तोयबाचा कमांडर अबू कासिम ठार
Just Now!
X