26 September 2020

News Flash

आर्थिक चणचण, कर्मचाऱ्यांचे पगार देण्यासाठी तिरुपती देवस्थानचा मोठा निर्णय

१२ हजार कोटीपेक्षा जास्त रक्कम विविध बँकांमध्ये डिपॉझिट....

संग्रहित फोटो (Courtesy: PTI)

देशातील श्रीमंत मंदिरांपैकी एक असलेल्या तिरुपती देवस्थानालाही आर्थिक अडचणीचा सामना करावा लागतोय. देशातील अन्य मंदिरांप्रमाणे तिरुपती देवस्थानालाही लॉकडाऊन आणि मंदीचा फटका बसला आहे. लॉकडाऊन होण्याआधी तिरुमाला येथील श्री वेंकटेश्वर मंदिरात भाविकांकडून मोठया प्रमाणावर रोख रक्कम अपर्ण केली जायची. पण आता हे प्रमाण प्रचंड घटले आहे.

त्यामुळे मंदिर व्यवस्थापनला रोकड टंचाईचा सामना करावा लागतोय. या परिस्थितीच्या पार्श्वभूमीवर तिरुमाला तिरुपती देवस्थानाने आता विविध बँकांमध्ये डिपॉझिट करण्यात आलेल्या १२ हजार कोटीपेक्षा जास्त रक्कमेवर दर महिन्याला व्याज घेण्याचा निर्णय घेतला आहे. सकाळी तिरुमाला येथे टीटीडी विश्वस्त मंडळाची बैठक पार पाडली. त्यात हा निर्णय़ घेण्यात आला. हिंदुस्थान टाइम्सने हे वृत्त दिले आहे.

टीटीडीकडून तिमाही, सहा महिन्यांसाठी आणि वर्षभरासाठी विविध बँकांमध्ये रक्कम डिपॉझिट केली जाते. वर्षअखेरीस त्या सर्व डिपॉझिटच्या रक्कमेवर देवस्थानाकडून व्याज घेतले जाते. आता आम्ही तात्काळ प्रभावाने ते सर्व डिपॉझिटस महिन्याभराच्या मुदतीमध्ये रुपांतरीत करण्याचा निर्णय घेतला आहे.

या बदलामुळे आम्हाला दर महिन्याला व्याज मिळेल, ज्यातून आम्ही कर्मचाऱ्यांना पगार देऊ शकतो तसेच मंदिरातील नियमित विधींचाही खर्च भागवता येईल असे टीटीडी बोर्डाचे अध्यक्ष वाय.व्ही. सुब्बा रेड्डी यांनी बैठकीनंतर पत्रकारांना सांगितले. श्री वेंकटेश्वर मंदिरातील हुंडीनंतर डिपॉझिटवर मिळणारे व्याज तिरुपती देवस्थानाचे दुसरे सर्वात मोठे उत्पन्न आहे. हुंडीमध्ये रोख रक्केमसह भाविक श्रद्धेने विविध वस्तु अपर्ण करतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 29, 2020 4:42 pm

Web Title: tirupati temple to draw monthly interest on rs 12000 crore deposits due to cash crunch dmp 82
Next Stories
1 उद्रेक झालेल्या वुहानमधून करोना हद्दपार; मंगळवारपासून उघडणार शाळा
2 भारतानं ओलांडला चार कोटी करोना चाचण्यांचा टप्पा
3 संपत्तीसाठी मुलीने केली आईवडिलांसोबत बहिणींची हत्या
Just Now!
X