तेलंगण राष्ट्र समिती केंद्र सरकारमध्ये सहभागी होण्याच्या वृत्ताचे भाजपने खंडन केले आहे. अशा स्वरूपाचा कोणताही प्रस्ताव नाही असे तेलंगण भाजपचे प्रवक्ते कृष्णसागर राव यांनी स्पष्ट केले.
तेलंगणमध्ये भाजप टीआरएसशी आघाडी करून सत्तेत जाणार असल्याचे वृत्त होते. तेलंगणचे मुख्यमंत्री के. चंद्रशेखरराव व पंतप्रधान नरेंद्र मोदी यांच्यात नुकतीच चर्चा झाली. त्यामध्ये असा प्रस्ताव होता असा दावा करण्यात येत आहे. तेलगु देशम पक्ष राष्ट्रीय लोकशाही आघाडीचा घटक असताना तेलंगण राष्ट्र समितीला रालोआमध्ये घेणे अडचणीचे आहे.