तुर्कस्तानातील गजनीटेप शहरातील एका विवाहसोहळ्यात आत्मघाती हल्ला करण्यात आला आहे. या हल्ल्यात आतापर्यंत ३० जणांचा मृत्यू तर ९० पेक्षा अधिक लोक जखमी झाल्याचे वृत्त आहे. टर्की सरकारने हा आतंकवादी हल्ला असल्याचे म्हटले आहे.
मिळालेल्या माहितीनुसार, गजनीटेप शहरातील एका विवाह सोहळ्याला निशाना साधत दहशतवाद्यांनी आत्मघाती बॉम्बस्फोट घडवून आणला. या बॉम्बस्फोटात ३० जणांचा मृत्यू झाल्याचे समजते. या हल्ल्यामागे नेमका कोणाचा हात आहे ते अद्याप कळलेले नाही. मात्र, यामागे आयसिसचा हात असल्याचा दावा तुर्कस्तान सरकारने केला आहे. अजून कुठल्याही अतिरेकी संघटनेने या हल्ल्याची जबाबदारी स्वीकारलेली नाही.