८० टक्के खासदारांनी नाही घेतला नरेंद्र मोदींचा ‘आदर्श’, आवाहनाकडे सपशेल दुर्लक्ष

योजना लागू करण्यात फक्त विरोधी पक्षाचे खासदारच मागे पडलेत असं नाहीये. भाजपाचे खासदारही पंतप्रधान नरेंद्र मोदींच्या महत्वाकांक्षी योजनेत पिछाडीवर आहेत. १९१ भाजपा खासदारांनी आतापर्यंत तिस-या गावाची निवड केलेलीच नाही. तर ८४ खासदारांनी दुस-या गावाची निवड केलेली नाही. अशाप्रकारे राज्यसभेच्या फक्त १२ भाजपा खासदारांनी या योजनेअंतर्गत विकास करण्यासाठी तीन गावांची निवड केली आहे. २० खासदारांनी आतापर्यंत दुस-या गावाची निवड केलेली नाही. दरम्यान, भाजपाच्या खासदारांनी किमान एक गाव दत्तक घेतलेलं आहे. या योजनेसाठी खासदारांना कोणताही विशेष निधी देण्यात आलेला नाही. आपला राजकीय प्रभाव वापरत खासदार गावात योग्यप्रकारे योजना लागू करतील अशी अपेक्षा आहे.

पंतप्रधान नरेंद्र मोदी यांनी ११ ऑक्टोबर २०१४ रोजी आपल्या महत्वाकांक्षी खासदार आदर्श ग्रामयोजनेची सुरुवात केली होती. याअंतर्गत प्रत्येक खासदाराला २०१९ पर्यंत तीन गावांमध्ये पायाभूत सुविधा विकसित करण्याची जबाबदारी सोपवण्यात आली होती. खासदारांना २०१६ चं टार्गेट देण्यात आलं होतं. खासदारांना पत्र लिहून लवकरात लवकर काम पूर्ण करण्यास सांगण्यात येत आहे अशी माहिती ग्रामविकास मंत्रालयाने दिली आहे. खासदारांनी मात्र बचाव करताना, एका गावाची निवड करताना दुस-या गावातील लोक नाराज होत असल्याने अत्यंत काळजीपूर्वक निर्णय घ्यावा लागत असल्याचं सांगितलं आहे.