अनुदानासाठी आधार कार्डाची गरज नाही – राजीव शुक्ला

केंद्र सरकारकडून मिळणाऱया अनुदानासाठी आधार कार्डाची कोणतीही गरज नाही, असे केंद्र सरकारने शुक्रवारी राज्यसभेमध्ये स्पष्ट केले. संसदीयकार्य राज्यमंत्री राजीव शुक्ला यांनी शुक्रवारी राज्यसभेमध्ये ही माहिती दिली.
केंद्र सरकारकडून मिळणाऱया अनुदानासाठी आधार कार्डाची आवश्यकता नाही. कोणताही सरकारी विभाग किंवा सार्वजनिक क्षेत्रातील कंपन्या ग्राहकांकडे आधार कार्डाची सक्ती करीत असेल, तर त्यांना तसे न करण्याची सूचना देण्यात येईल, असे शुक्ला यांनी सभागृहात सांगितले.
बॅंकेमध्ये खाते काढण्यासाठी, शाळेत प्रवेश घेण्यासाठी किंवा पारपत्र काढण्यासाठी आधार कार्डाची गरज नसतानाही काही विभाग आधार कार्डच आणण्याची सक्ती करीत आहेत, असा मुद्दा काही सदस्यांनी सभागृहात उपस्थित केला. त्याला उत्तर देताना शुक्ला यांनी आधार कार्डाची सक्ती करण्यात येऊ नये, अशा सूचना देण्यात येतील, असे सांगितले.