एअर इंडियाच्या विमानांमध्ये लवकरच वाय-फाय

एअर इंडियाने अशाप्रकारे वायफाय सुरु केल्यास, विमानात वायफाय पुरवणारी एअर इंडिया देशातील पहिली विमान कंपनी ठरणार आहे. एअर इंडिया सुरुवातीला मोफत वायफाय देण्याची शक्यता आहे. मात्र, विशिष्ट अवधीनंतर या सेवेसाठी पैसे आकारण्याची शक्यताही आहे. मात्र, या मोफत वाय-फायचा वापर इमेल चेक करणे, पाठवणे, व्हॉट्सअॅप यासाठीच होऊ शकतो. इमेल, व्हॉट्सअॅपसोबत आणखी कोणत्या गोष्टींसाठी वायफाय सेवेचा लाभ घेता येईल, हे एअर इंडियाकडून अधिकृत सांगण्यात आले नाही.

देशांतर्गत विमानसेवेत वायफाय सेवेला कसा प्रतिसाद मिळतो, हे पाहून या सेवाचा पुढे विस्तार केला जाणार आहे. त्यानंतर आंतरराष्ट्रीय विमानसेवेतही वायफाय देण्यावर विचार केला जाईल. गल्फ कॅरियर आपल्या प्रवाशांसाठी १० एमबी मोफत इंटरनेट डेटा उपलब्ध करुन देते. इमेल चेक करणं, पाठवण किंवा फेसबुक, व्हॉट्सअॅप अपडेट करण्यासाठी इतका डेटा पुरेसा असतो. विशेष म्हणजे, प्रवाशांना १० एमबीपेक्षा अधिक इंटरनेट डेटा हवा असल्यास, प्रवाशी अधिकचे पैसे मोजून सेवेचा लाभ घेऊ शकतात.