scorecardresearch

Premium

युक्रेनबाबत अमेरिकेचा पाकिस्तानला इशारा; इम्रान खान घेणार व्लादिमीर पुतिन यांची भेट

रशियाच्या या कारवाईविरोधात कोणत्याही जबाबदार देशाने आवाज उठवला पाहिजे, असे अमेरिकेने म्हटले आहे

US cautions Pak on Ukraine
(Twitter / @PakPMO)

पाकिस्तानचे पंतप्रधान इम्रान खान यांच्या मॉस्को भेटीवर प्रतिक्रिया दाताना अमेरिकेने युक्रेनमधील रशियाच्या कृतीवर आक्षेप घेणे प्रत्येक जबाबदार देशाची जबाबदारी असल्याचे म्हटले आहे. अमेरिकेच्या परराष्ट्र विभागाचे प्रवक्ते नेड प्राइस यांनी बुधवारी सांगितले की, युक्रेनमधील परिस्थितीबाबत अमेरिकेने पाकिस्तानला आपली भूमिका कळवली आहे.

“रशियाने युक्रेनवर नव्याने केलेल्या आक्रमणाबाबत आम्ही पाकिस्तानला आमची भूमिका कळवली आहे. आम्ही त्यांना युद्धाबाबत मुत्सद्देगिरीच्या आमच्या प्रयत्नांची माहिती दिली आहे,” असे प्राइस यांनी पत्रकार परिषदेत सांगितले. युक्रेनसोबतची भागीदारी अमेरिकेच्या हितासाठी महत्त्वाची मानते, असेही प्राइस म्हणाले.

ukraine russia war
विश्लेषण : युक्रेन युद्ध कधी संपेल? युक्रेनला मदतीस विलंब का? रशियाची निर्णायक विजयाच्या दिशेने वाटचाल?
America marathi news
विश्लेषण : अमेरिका ख्रिश्चन आहे की धर्मनिरपेक्ष? ट्रम्प समर्थकांना काय वाटते? वास्तव काय?
Afghan women fear going out alone due to Taliban
तालिबान सरकारकडून अफगाणिस्तानमध्ये मानवी हक्कांचे उल्लंघन; घराबाहेर पडण्यास महिलांना वाटते भीती
Chinese Foreign Minister in Africa
चीनचे परराष्ट्र मंत्री आफ्रिकेत? चीनच्या मनात नक्की आहे तरी काय?

रशियाने युक्रेनवर हल्ला केला तर भारतावर काय परिणाम होतील?

अमेरिकेच्या परराष्ट्र विभागाचे प्रवक्ते नेड प्राइस पुढे म्हणाले की, अमेरिका युक्रेनसोबतची भागीदारी अमेरिकन हितसंबंधांसाठी महत्त्वाची मानते. रशियाच्या या कारवाईविरोधात कोणत्याही जबाबदार देशाने आवाज उठवला पाहिजे.

पाकिस्तानचे पंतप्रधान बुधवारी राष्ट्राध्यक्ष व्लादिमीर पुतिन यांची भेट घेण्यासाठी आणि आर्थिक सहकार्यासह मुद्द्यांवर चर्चा करण्यासाठी मॉस्कोला रवाना झाले. पूर्व युक्रेनच्या काही भागांमध्ये लष्करी तैनातीसाठी अमेरिका आणि अनेक पाश्चात्य देशांनी रशियावर विविध निर्बंध लादले आहेत. याशिवाय, अजेंड्यात दोन्ही देश आणि तालिबान-नियंत्रित अफगाणिस्तानमधील त्यांच्या परस्पर चिंता आणि क्षेत्रीय सुरक्षा सहकार्याचा समावेश असेल. इम्रान खान यांच्या या भेटीमुळे पाकिस्तानला ऊर्जा क्षेत्रात आणि प्रादेशिक कनेक्टिव्हिटीमध्ये रशियासोबत पुढे जाण्याची संधी मिळू शकते.

रशिया-युक्रेन संघर्षातील जर्मन दुवा – काय आहे नॉर्ड स्ट्रीम-२ पाइपलाइन?

विश्लेषण : रशियाने हल्ल्या केल्यानंतर युक्रेनने लागू केलेला मार्शल लॉ काय आहे? जाणून घ्या….

रशिया आणि पश्चिम यांच्यातील वाढत्या संकटादरम्यान रशियन सैन्याने पूर्व युक्रेनच्या फुटीरतावादी प्रदेशात प्रवेश केल्यानंतर रशियाचे अध्यक्ष व्लादिमीर पुतिन यांना भेटणारे इम्रान खान हे पहिले परदेशी नेते आहेत. पाकिस्तानचे पंतप्रधान इम्रान खान यांच्यासोबत एक उच्चस्तरीय शिष्टमंडळही मॉस्कोला पोहोचले आहे. १९९९ नंतर जवळपास २३ वर्षात पहिल्यांदाच पाकिस्तानचे पंतप्रधान रशियाच्या अधिकृत दौऱ्यावर आहेत. यापूर्वी मार्च १९९९ मध्ये तत्कालीन पंतप्रधान नवाझ शरीफ रशियाच्या दौऱ्यावर गेले होते.

दरम्यान, अमेरिकेचे राष्ट्राध्यक्ष जो बायडेन यांनी राष्ट्रीय सुरक्षेच्या कारणास्तव रशियाची नॉर्ड स्ट्रीम २ गॅस पाइपलाइन बांधण्याच्या प्रभारी कंपनीवर निर्बंध लादले आहेत. बायडेन म्हणाले की, युक्रेनमधील रशियाच्या कृतींना प्रतिसाद म्हणून ही पावले आमच्या निर्बंधांच्या सुरुवातीच्या टप्प्याचा आणखी एक भाग आहेत. मी स्पष्ट केल्याप्रमाणे, रशियाने पुढे जाणे सुरू ठेवल्यास आम्ही पुढील पावले उचलण्यास मागेपुढे पाहणार नाही.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: America warns pakistan on ukraine imran khan meet putin abn

First published on: 24-02-2022 at 10:31 IST

संबंधित बातम्या

तुम्ही या बातम्या वाचल्या आहेत का? ×