बॉलिवूडमधील काही चित्रपट असे आहेत जे केव्हाही पाहण्यासाठी चाहते तयार असतात. त्यातील एक चित्रपट म्हणजे 'अंदाज अपना अपना.' या चित्रपटाने प्रदर्शनाच्या वेळी बॉक्स ऑफिसवर फारशी कमाई केली नाही. पण काही दिवसानंतर चित्रपट हिट झाला. चित्रपटातील आमिर खान आणि सलमान खानची जोडी आजही प्रेक्षकांना पाहायला आवडते. पण हा ऐतिहासिक कॉमेडी चित्रपट प्रेक्षकांच्या भेटीला आणणारे निर्माते विनय सिन्हा यांचे गुरुवारी २४ जानेवारी रोजी निधन झाले आहे. चित्रपट व्यापार विश्लेषक कोमल न्हाटा यांनी ट्विटरद्वारे या घटनेची माहिती दिली. 'अंदाज अपना अपना चित्रपटाचे निर्माते विनय सिन्हा यांचे निधन झाले आहे' असे त्यांनी ट्विटमध्ये म्हटले आहे. त्यांच्या निधनाचे कारण अद्याप समोर आलेले नाही. Vinay Sinha, producer of films like ‘Andaz Apna Apna’, passed away a few minutes back. May his soul Rest In peace. — Komal Nahta (@KomalNahta) January 24, 2020 काही दिवसांपूर्वी 'अंदाज अपना अपना' चित्रपटाला २५ वर्षे पूर्ण झाली. विजय सिन्हा यांची मुलगी प्रीति सिन्हाने चित्रपटाला २५ वर्षे पूर्ण झाल्याने वडिलांचे अभिनंदन करुन आभार मानले होते. विजय सिन्हा यांनी १९८३ साली 'चोर-पोलीस' आणि १९९७ साली 'नसीब' या चित्रपटांचीदेखील निर्मिती केली होती.
