संतापजनक! पॉर्न क्लिप पाहण्यास नकार दिल्याने सहा वर्षाच्या मुलीची दगडाने ठेचून हत्या

नागाव जिल्हा पोलीस अधीक्षक आनंद मिश्रा यांनी सांगितले की, “तीन अल्पवयीन आरोपींनी सहा वर्षांच्या चिमुकलीची हत्या केली आहे. या मुलीने पॉर्न क्लिप पाहण्यास नकार दिल्याने त्यांनी मुलीला दगडाने ठेचून मारले. अल्पयीन तिन्ही आरोपी पॉर्न पाहण्याचे व्यसनी होते आणि त्यांनीच हा भयंकर गुन्हा केला आहे. ११ वर्षांचा मुलगा पॉर्न पाहण्यासाठी त्याच्या वडिलांचा मोबाईल फोन वापरत होता. ही घटना खूप त्रासदायक असून आम्ही मोबाईल जप्त केला आहे. या सहा वर्षांच्या मुलीच्या हत्येचा उलगडा २४ तासांच्या आत झाला आहे.”

या अल्पवयीन मुलांनी मुलीवर लैंगिक अत्याचारही केले होते, असे तपासादरम्यान आढळून आले. मृत सहा वर्षीय मुलीने आरोप मुलांसोबत पॉर्न क्लिप  पाहण्यास नकार दिल्यानंतर त्यांनी तिला दगडांनी ठेचून मारले. दरम्यान, या प्रकरणी पोलिसांनी गुन्हा दाखल केला आहे, असे कालियाबोर उपविभागाच्या एका पोलीस अधिकाऱ्याने सांगितले.