Ram Temple : राम मंदिराच्या गाभाऱ्यात स्थापित होणार नवी मूर्ती, रामलल्लाच्या पूर्वीच्या मूर्तीचं काय होणार? ट्रस्टने दिलं उत्तर

उत्सव मूर्तीचं काय होणार?

उत्सव मूर्ती देशातल्या वेगवेगळ्या मंदिरांमध्ये नेण्यात येणार आहे. त्यानंतर ही मूर्ती मंदिरातल्या मोठ्या मूर्तीच्या शेजारी गाभाऱ्यातच ठेवण्यात येईल. मंदिरात ठेवण्यात येणारी मोठी मूर्ती ही गणेश भट्ट, अरुण योगीराज आणि सत्यनारायण पांडे या तीन मूर्तीकारांनी तयार केली आहे. २२ जानेवारी २०२४ या दिवशी पंतप्रधान नरेंद्र मोदींच्या हस्ते अयोध्येतील राम मंदिराच्या गाभाऱ्यात या मूर्तींची प्राणप्रतिष्ठा केली जाणार आहे.

३० डिसेंबरला पंतप्रधान नरेंद्र मोदींचा अयोध्या दौरा

त्याआधी पंतप्रधान नरेंद्र मोदी हे ३० डिसेंबरला अयोध्येला जाणार आहेत. तिथे अयोध्या धाम या रेल्वे स्टेशनचं आणि श्रीराम आंतरराष्ट्रीय विमानतळाचं लोकार्पणही पंतप्रधान मोदींच्या हस्ते होणार आहे. त्यावेळी एक सभाही होणार आहे. या सभेत पंतप्रधान नरेंद्र मोदी भाषण करणार आहेत. अयोध्या विमानतळ ते रेल्वे स्टेशन असा एक रोड शोही आयोजित केला जाणार आहे अशी माहिती अयोध्येचे आयुक्त गौरव दयाळ यांनी माध्यमांना दिली.

एक दिया राम के नाम मोहीम

१ जानेवारीपासून एक दीया राम के नाम ही मोहीमही चालवली जाणार आहे. ही मोहीम १०० दिवस चालवली जाणार आहे. या मोहिमेत भाजपाचे कार्यकर्ते सहभागी होणार आहेत. एक दिया राम के नाम ही मोहीम देशभरात चालवली जाणार आहे. आज तकने या विषयीचं वृत्त दिलं आहे.

प्राणप्रतिष्ठा समारंभासाठी अनुष्ठान आणि पूजा एक आठवडा आधी म्हणजेच १६ जानेवारीपासून सुरु केली जाणार आहे. गणेश शास्त्री द्रविड आणि लक्ष्मीकांत दीक्षित हे मुख्य पूजारी असणार आहेत. अयोध्येत या निमित्ताने भाविकांची गर्दी झाली आहे. तसंच या ठिकाणी बंदोबस्तही वाढवण्यात आला आहे.