प्रणयाचा व्हिडिओ बनवून प्रेयसीला ब्लॅकमेल करणारा प्रियकर गजाआड

मागच्या महिन्यात श्रीनाथने या मुलीला भविष्याबद्दल बोलायचे आहे. आई-वडिलांशी भेट घडवून देतो असे सांगून या मुलीला घरी बोलावले. मुलगी जेव्हा श्रीनाथच्या घरी गेली तेव्हा आई-वडिल घरी नव्हते. मुलीने श्रीनाथला याबद्दल विचारले. त्यावर त्याने तिची समजूत घातली व तिला लहानपणीचे फोटो दाखवायचे असल्याचे सांगून आपल्या बेडरुममध्ये घेऊन गेला.

श्रीनाथने या मुलीचा अश्लील व्हिडिओ बनवण्याची योजना आखली होती. त्याप्रमाणे त्याने मुलगी येण्याआधी मित्राला घरातल्या स्टोअर रुममध्ये लपवून ठेवले होते. मित्राला त्याने प्रणय सुरु असतानाचे फोटो काढण्याची आणि व्हिडिओ बनवण्याची सूचना दिली होती. दुसऱ्या दिवशी जेव्हा श्रीनाथ या मुलीला कॉलेजमध्ये भेटला. त्यावेळी त्याचे वर्तन बदलले होते. त्याने या मुलीकडे पैशांची मागणी केली व तिला पुन्हा घरी येण्यास सांगितले.

जेव्हा तिने नकार दिला तेव्हा त्याने व्हिडिओ आणि फोटोबद्दल सांगितले. जेव्हा या मुलीने विश्वास ठेवण्यास नकार दिला तेव्हा त्याच्या मोबाइलमध्ये असलेला व्हिडिओ दाखवला. हा व्हिडिओ पाहून मुलीला धक्का बसला. तिने लगेच त्याच्याबरोबरचे प्रेमसंबंध तोडून टाकले. त्यानंतर श्रीनाथ आणि त्याचा मित्र योगेशने या मुलीला ब्लॅकमेल करायला सुरुवात केली. अखेर या मुलीने हिम्मत एकवटून आपल्या वडिलांना घडल्या प्रकाराबद्दल सांगितल्यानंतर त्यांनी महिला पोलीस स्थानकात आरोपीविरोधात तक्रार दाखल केली. पोलिसांनी श्रीनाथ आणि योगेश दोघांना अटक केली आहे.