मोठी बातमी! ५० जणांना घेऊन जाणारी बस दरीत कोसळली, उत्तराखंडमधील भीषण अपघात | bus carrying 50 people fell into valley terrible accident in Uttarakhand rmm 97

उत्तराखंडच्या पौडी जिल्ह्यात अपघाताची एक भीषण घटना घडली आहे.

फोटो-एएनआय

उत्तराखंडच्या पौडी जिल्ह्यात भीषण अपघात घडला आहे. ४५ ते ५० जणांना घेऊन जाणारी एक बस खोल दरीत कोसळली आहे. या अपघातात ३२ जणांचा मृत्यू झाला असून, २० जण जखमी आहेत. घटनेची माहिती मिळताच पोलीस दल घटनास्थळी रवाना झालं होतं. बस ५०० मीटर खोल दरीत पडल्याने बचावकार्यात अनेक अडचणी येत होत्या. जखमींना उपचारासाठी रुग्णालयात दाखल करण्यात आलं आहे.

‘एएनआय’ वृत्तसंस्थेनं दिलेल्या वृत्तानुसार, ही घटना उत्तराखंडच्या पौडी गढवाल जिल्ह्यातील सिमडी गावाजवळ घडली आहे. येथील रिखनिखल-बिरोखल रस्त्यावर असणाऱ्या एका दरीत ही बस कोसळली. बसमध्ये ५० हून अधिक प्रवासी प्रवास करत होते. दरम्यान, चालकाचं वाहनावरील नियंत्रण सुटल्याने हा अपघात घडल्याची प्राथमिक माहिती मिळत आहे.

#UPDATE | Uttarakhand: A bus carrying 45 to 50 people fell into a 500-metre gorge. So far 6 people have been rescued and sent to the hospital: DGP Ashok Kumar https://t.co/2mpJTi4ICb pic.twitter.com/i6sJv412Gl
— ANI UP/Uttarakhand (@ANINewsUP) October 4, 2022

हेही वाचा- मोठी बातमी! उत्तराखंडमध्ये हिमस्खलन झाल्याने १० जणांचा मृत्यू, १८ जण अजूनही बेपत्ता; लष्कर आणि ITBP कडून बचावकार्य सुरु

This quiz is AI-generated and for edutainment purposes only.

प्रांताधिकारी सदर प्रेमलाल टम्टा यांनी अपघाताच्या घटनेला दुजोरा दिला. धुमाकोट आणि रिखनिखल पोलीस ठाण्याचे पोलीस पथक घटनास्थळी रवाना झाल्याची माहितीही टम्टा यांनी दिली होती. जखमींना रुग्णालयात पाठवण्यात आल्याची माहिती डीजीपी अशोक कुमार यांनी दिली आहे.

First published on: 04-10-2022 at 22:45 IST

Web Title: Bus carrying 50 people fell into valley terrible accident in uttarakhand rmm

मोठी बातमी! बस दरीत कोसळून ३२ प्रवाशांचा मृत्यू, उत्तराखंडमध्ये भीषण अपघात

उत्तराखंडच्या पौडी जिल्ह्यात अपघाताची एक भीषण घटना घडली आहे.