China Accident : धक्कादायक! भरधाव कारने अनेकांना चिरडलं; ३५ जणांचा मृत्यू, ४३ जण जखमी, दुर्दैवी घटनेमुळे एकच खळबळ

सोमवारी संध्याकाळी ही दुर्दैवी घटना घडली आहे. या घटनेत जखमी झालेल्यांना तातडीने रुग्णालयात दाखल करण्यात आलं असून त्यांच्यावर उपचार सुरु आहेत. या घटनेतील कारचालकाला पोलिसांनी घटनेनंतर लगेच अटक केली असल्याची माहिती सांगण्यात येत आहे. ही घटना घडली त्यावेळी लोकांचा मोठा आक्रोश सुरु होता, असं सांगितलं जात आहे. या घटनेसंदर्भात काही व्हिडीओ देखील व्हायरल होत आहेत. यासंदर्भातील वृत्त रॉयटर्स या वृत्तसंस्थेच्या हवाल्याने इंडिया टुडेनी दिलं आहे.

हेही वाचा : Canada : कॅनडाच्या ब्रॅम्प्टनमधील हिंदू मंदिराचा कार्यक्रम रद्द; खलिस्तानी धमकीमुळे हिंसाचाराची भीती

या घटनेबाबत काही व्हिडीओ व्हायरल झाले आहेत. त्यामध्ये अनेक लोक रस्त्यावर पडलेले दिसत आहेत. तसेच जखमी झालेले लोक आक्रोश करत असल्याचंही दिसून येत आहे. या घटनेनंतर स्थानिक प्रशासनाने ताताडीने धाव घेत मदतकार्य करत जखमी झालेल्यांना तातडीने रुग्णालयात दाखल केलं. दरम्यान, या घटनेबाबत अद्याप अधिकृत प्रतिक्रिया समोर आलेली नाही. मात्र, हा अपघात होता की यामागे काही वेगळा हेतू होता? याबाबत पोलीस घटनेची चौकशी करत आहेत.