“तारीख नाही मिळत तर तुमच्या घरी येऊ का?” ज्येष्ठ वकिलाच्या विधानावर सरन्यायाधीश चंद्रचूड भडकले; म्हणाले, “चालते व्हा..”

बार आणि बेंच या वेबसाईटने दिलेल्या माहितीनुसार सरन्यायाधीश हे विकास सिंह यांच्यावर चांगलेच संतापले. विकास सिंह यांनी शांतपणे आपल्या जागेवर बसावे, असे चंद्रचूड यांनी बजावले. ते एवढ्या पुरतेच थांबले नाहीत. तर त्यांनी विकास सिंह यांना इशारा देत सांगितले, “मोठ्या आवाजात बोलायचे असेल तर माझ्या न्यायालयातून निघून जावे. हा विचार नका करु की तुमच्या भूमिकेमुळे खंडपीठ घाबरून जाईल. मी अशा पद्धतीने कुणाचाही अपमान केलेला नाही, माझ्या कारकिर्दीचे शेवटचे दोन वर्ष राहिले आहेत. याकाळात मी कुणाचाही अपमान करु इच्छित नाही.”

आणखी वाचा

अवैध विवाहाच्या अपत्यांचा वारसाहक्क

Bigg Boss Marathi 5: सर्व एलिमिनेटेड सदस्यांची घरात…

CM Siddaramaiah : कर्नाटकचे मुख्यमंत्री सिद्धरामय्यांच्या अडचणीत वाढ; MUDA जमीन गैरव्यवहार प्रकरणात न्यायालयाने दिला ‘हा’ निर्णय

हैदराबाद एन्काउंटरची चौकशी करणारे न्यायमूर्ती म्हणाले, “जलद न्यायाच्या मागे लागू नका…”

खासदार राहुल शेवाळे यांच्या बदनामीचे प्रकरण: उद्धव ठाकरे, संजय राऊतांवर मानहानीचा खटला चालवणार

कुलगुरूपदावरून हटवण्याचे प्रकरण : डॉ. अजित रानडे यांच्याबाबतच्या निर्णयाची बुधवारपर्यंत अंमलबजावणी नाही

“CBI ची तुलना पिंजऱ्यातल्या पोपटाशी…”, सर्वोच्च न्यायालयाच्या न्यायमूर्तींनी पुन्हा केली ‘त्या’ उक्तीची आठवण; नेमकं काय घडलं होतं तेव्हा?

वादग्रस्त वक्तव्याचे प्रकरण: जितेंद्र आव्हाडांविरोधात गुन्हा नोंदवण्याच्या मागणीचा पुनर्विचार करा,उच्च न्यायालयाचे ठाणे न्यायदंडाधिकाऱ्यांना आदेश

हे वाचा >> सुनावणी संपणार असं वाटत असतानाच हरिश साळवेंची ‘एन्ट्री’, चौकार-षटकार अन्…, नेमकं काय घडलं? वाचा…

तारीख घेण्यासाठी आपल्या घरापर्यंत येऊ का?

सर्वोच्च न्यायालयाला मिळालेली १.३३ एकर जमीन सर्वोच्च न्यायालय बार असोसिएशनला मिळावी आणि त्या जमिनीवर वकिलांसाठी चेंबर बनविण्यात यावेत, अशी एक जुनी मागणी वकिलांची आहे. ही जमीन सर्वोच्च न्यायालयाच्या अगदी जवळ असून न्यायालयाच्या मागच्या बाजूला असलेल्या पेट्रोल पंपाजवळ आहे. या जमिनीवरुन सर्वोच्च न्यायालय आणि सर्वोच्च न्यायालय बार असोसिएशन यांच्यात खडाजंगी झाली. या प्रकरणावर तारीख मिळत नसल्याचा आक्षेप विकास सिंह यानी घेतला. त्यावर सरन्यायाधीश म्हणाले की, तुम्ही कोणत्याही दिवशी याल तर तुमच्या प्रकरणाची सुनावणी आम्ही घ्यावा का? यावर विकास सिंह यांनी प्रश्न केला की? आता तारीख मिळवण्यासाठी आपल्या घरापर्यंत यायचे का? हे ऐकताच सरन्यायाधीशांचा पारा चढला.

१७ फेब्रुवारी रोजी होणार सुनावणी

सरन्यायाधीश चंद्रचूड यांनी सांगितले की, श्रीमान विकास सिंह, तुम्ही आवाज वाढवू नका. अध्यक्ष या नात्याने तुम्ही बार असोसिएशनचे नेतृत्व केले पाहीजे. मात्र तुम्ही केवळ वाद घालताय, असे मला दिसत आहे. तुम्ही अनुच्छेद ३२ अतंर्गत याचिका दाखल केली आहे. सर्वोच्च न्यायालयाला मिळालेली जमीन बार असोसिएशनला मिळावी, अशी तुमची मागणी आहे. आम्ही या प्रकरणावर योग्य वेळी सुनावणी घेऊ. १७ फेब्रुवारी रोजी तुमच्या प्रकरणाची सुनावणी होईल, तसेच त्यादिवशी सुनावणी होणारं हे एकमेव प्रकरण नसेल, असेही आताच सांगतो.