सरकारने नैतिक अधिकार गमावला! काँग्रेसची केंद्रावर टीका; विशेष अधिवेशनाच्या मागणीचा पुनरुच्चार

पंतप्रधान नरेंद्र मोदी यांनी या मुद्द्यावर स्पष्टीकरण द्यावे अशी मागणी गेहलोत यांनी पक्षाच्या मुख्यालयात घेतलेल्या पत्रकार परिषदेत केली. गेहलोत म्हणाले की, देशातील जनतेला खात्री होती की, ‘‘भारतीय सैन्यदले उत्तम कामगिरी करत आहेत आणि पाकिस्तानला जशास तसे उत्तर देतील, जेणेकरून तो देश भविष्यात पुन्हा त्यांच्या भूभागावर दहशतवादी तयार करणार नाही. लष्करी कारवाई अचानक थांबवण्यात आल्यामुळे जनतेमध्ये उमटलेल्या भावनेमुळे भाजपमध्ये गोंधळ आहे. त्यामुळे त्यांनी जनतेला शांत करण्यासाठी देशव्यापी तिरंगा यात्रेचा निर्णय घेतला आहे. पण जनतेने त्यांचे खरे रूप ओळखले आहे,’’ अशी टीका गेहलोत यांनी केली.

पंतप्रधान नरेंद्र मोदी यांनी सोमवारी देशाला उद्देशून केलेले भाषण निराशाजनक होते आणि ट्रम्प यांच्या मध्यस्थीच्या दाव्यावर स्पष्टीकरण देण्यात ते कमी पडले. मोदी सरकारवर अमेरिकेचा काही दबाव आहे का? भारताने काश्मीर प्रश्नावर तिसऱ्या देशाची मध्यस्थी स्वीकारली आहे का, याचे स्पष्टीकरण पंतप्रधानांनी द्यावे.

अशोक गेहलोत, नेते, काँग्रेस</strong>