देशातील बिकट आर्थिक परिस्थितीवर सरकारकडून योग्य उपाययोजना केल्या जात नसल्याने सरकारविरोध काँग्रेस मोठे आंदोलन छेडण्याच्या तयारीत आहे. येत्या ५ नोव्हेंबर ते १५ नोव्हेंबर या काळात सरकारविरोधात देशभरात हे आंदोलन केले जाणार आहे. एएनआयने याबाबत ट्विटद्वारे माहिती दिली आहे.

एनआयच्या वृत्तानुसार, देशातील आर्थिक स्थितीबाबत काँग्रेसकडून १ ते ८ नोव्हेंबर या काळात केंद्र सरकारविरोधात ३५ पत्रकार परिषदा घेऊन देशाची आर्थिक स्थिती जनतेसमोर मांडण्यात येणार आहेत. त्याचबरोबर ५ ते १५ नोव्हेंबर या दहा दिवसांच्या काळात देशभरात ठिकठिकाणी आंदोलनेही करण्यात येणार आहेत.