पेट्रोलियम मंत्रालयात झालेल्या हेरगिरीची धग पर्यावरण मंत्रालयापर्यंतही पोहोचली असून त्या मंत्रालयातील उच्चपदस्थ अधिकाऱ्याच्या स्वीय सचिवास पोलिसांनी गुरुवारी अटक केली. याखेरीज आणखी एकाला अटक करण्यात आली आहे.
वन आणि पर्यावरण मंत्रालयातील सहसचिवांचे स्वीय सचिव जितेंद्र नागपाल व यूपीएससी सदस्यांचे खासगी सचिव विपन कुमार यांना अटक करण्यात आल्याची माहिती गुन्हे विभागाचे सहआयुक्त रवींद्र यादव यांनी दिली. आतापर्यंत या प्रकरणी १६ जणांना अटक करण्यात आली असून दोन प्राथमिक आरोपपत्रेही दाखल झाल्याचे सांगण्यात आले.
विपन कुमार आधी पेट्रोलियम मंत्रालयात कार्यरत होता आणि त्याला त्याच्या ‘मदतनीसां’कडून गुप्त स्वरूपाचे दस्तावेज मिळत होते.