World Cup 2019 : यजमान संघ साधणार का विजयाची हॅटट्रीक??

ऑस्ट्रेलियावर मिळवलेल्या विजयासह इंग्लंड या स्पर्धेचं विजेतेपद मिळवण्याची शक्यता निर्माण झाली आहे. विश्वचषक स्पर्धेच्या इतिहासात यजमान देश स्पर्धेचं विजेतेपद मिळवू शकला नव्हता. मात्र २०११ साली भारताने ही मोठी परंपरा खंडीत करुन दाखवत विजेतेपद पटकावलं. त्यानंतर २०१५ साली ऑस्ट्रेलियानेही आपल्या घरच्या मैदानावर विश्वचषक जिंकला. हाच ट्रेंड कायम राहिल्यास इंग्लंड यजमान या नात्याने घरच्या मैदानावर आपलं पहिलं विजेतेपद पटकावून अनोखी हॅटट्रीक साधू शकतो.

Before 2011, no team had won a World Cup final at their home.

Both in 2011 and 2015, though, the home team lifted the trophy.

Will that trend continue?
— Bharath Seervi (@SeerviBharath) July 11, 2019

सलामीवीर जेसन रॉय आणि जॉनी बेअरस्टो यांनी इंग्लंडच्या विजयाचा पाया रचला. हे दोन्ही फलंदाज माघारी परतल्यानंतर जो रुट आणि कर्णधार इयॉन मॉर्गन यांनी इंग्लंडच्या विजयावर शिक्कामोर्तब केलं. अंतिम फेरीत इंग्लंडची गाठ न्यूझीलंडशी पडणार आहे. रविवारी क्रिकेटची पंढरी समजल्या जाणाऱ्या लॉर्ड्सच्या मैदानावर अंतिम सामना रंगणार आहे.

अवश्य वाचा – World Cup 2019 : इंग्लंडची ९ हजारहून अधिक दिवसांची प्रतिक्षा फळाला