Dadasaheb Phalke Award Asha Parekh Announcement Minister Anurag Thakur ysh 95 | Loksatta

आशा पारेख यांना फाळके पुरस्कार; माहिती आणि प्रसारण मंत्री अनुराग ठाकूर यांची घोषणा

‘भारतीय चित्रपट क्षेत्रात मानाचा सर्वोच्च पुरस्कार’ अशी ओळख असलेल्या या पुरस्काराची घोषणा माहिती आणि प्रसारण मंत्री अनुराग ठाकूर यांनी मंगळवारी केली.

आशा पारेख यांना फाळके पुरस्कार; माहिती आणि प्रसारण मंत्री अनुराग ठाकूर यांची घोषणा
आशा पारेख यांना फाळके पुरस्कार

पीटीआय, नवी दिल्ली : ज्येष्ठ अभिनेत्री आशा पारेख यांना २०२० चा दादासाहेब फाळके पुरस्कार जाहीर झाला आहे. ‘भारतीय चित्रपट क्षेत्रात मानाचा सर्वोच्च पुरस्कार’ अशी ओळख असलेल्या या पुरस्काराची घोषणा माहिती आणि प्रसारण मंत्री अनुराग ठाकूर यांनी मंगळवारी केली. शुक्रवारी होणाऱ्या ६८ व्या राष्ट्रीय चित्रपट पुरस्कार वितरण सोहळय़ात ७९ वर्षीय आशा पारेख यांना या पुरस्काराने सन्मानित करण्यात येईल.

आशा भोसले, हेमा मालिनी, पुनम धिल्लों, उदित नारायण, टी. एस. नागभरण या पाच मान्यवरांच्या समितीने पारेख यांची या पुरस्कारासाठी निवड केली. हिमाचल प्रदेशातील हमीरपूर या आपल्या मतदारसंघात पत्रकारांशी बोलताना ठाकूर यांनी सांगितले, की निवड समितीने ज्येष्ठ अभिनेत्री आशा पारेख यांना या पुरस्काराने सन्मानित करण्याचा निर्णय घेतला. माहिती प्रसारण मंत्रालयाला या पुरस्कारासाठी त्यांच्या नावाची घोषणा करताना अभिमान वाटतो.

वयाच्या दहाव्या वर्षांपासून आशा पारेख यांनी आपल्या कारकीर्दीस प्रारंभ केला. सुमारे पन्नास वर्षे अभिनय क्षेत्रातील त्यांची कारकीर्द गाजली. ९५ पेक्षा जास्त चित्रपटांत त्यांनी काम केले. यापैकी ‘दिल देके देखो’, ‘कटी पतंग’, ‘तिसरी मंजिल’, ‘बहारों के सपने’, ‘प्यार का मौसम’, ‘कारवाँ’ अशा अनेक चित्रपटांतील त्यांच्या भूमिका गाजल्या. हिंदी चित्रपटातील प्रभावी अभिनेत्रींपैकी एक अशी ओळख त्यांनी निर्माण केली. कृष्ण-धवल चित्रपटांपासून रंगीत चित्रपटांपर्यंतचा दीर्घ काळ त्यांनी गाजवला. १९९२ मध्ये ‘पद्मश्री’ पुरस्कारानेही त्यांना सन्मानित करण्यात आले होते. २०१९ चा फाळके पुरस्कार रजनीकांत यांना प्रदान करण्यात आला होता.

‘द हिट गर्ल’

१९५२ मध्ये ‘आसमाँ’ या चित्रपटात बाल कलाकार म्हणून त्यांनी काम केले. त्यानंतर दोन वर्षांनी बिमल रॉय यांच्या ‘बाप-बेटी’ या चित्रपटात त्यांनी भूमिका केली. मात्र, नायिका म्हणून त्यांच्या कारकीर्दीस नासीर हुसेन यांच्या १९५९ च्या ‘दिल देके देखो’ या चित्रपटाने प्रारंभ झाला. अभिनेते शम्मी कपूर हे या चित्रपटात नायक होते. १९९० च्या अखेरीस आशा पारेख यांनी निर्मात्या व दिग्दर्शक म्हणूनही कारकीर्द गाजवली. ‘कोरा कागज’ ही त्यांनी निर्मित-दिग्दर्शित केलेली दूरचित्रवाणी मालिका गाजली होती. २०१७ मध्ये प्रसिद्ध चित्रपट समीक्षक खालिद मोहम्मद यांच्यासह सहलेखन केलेले त्यांचे ‘द हिट गर्ल’ हे आत्मचरित्र प्रसिद्ध झाले होते.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
कायद्याचे पालन होत नसल्याने मलनि:सारण वाहिन्यांत मृत्यू; दिल्ली उच्च न्यायालयाचे निरीक्षण

संबंधित बातम्या

“ब्राह्मणांनो परिसर सोडा आणि शाखेत…”, ‘जेएनयू’मध्ये ब्राह्मणविरोधी घोषणांनी भिंती रंगल्या, चौकशी सुरू
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
Video: पंतप्रधान मोदींनी पुन्हा थांबवला रुग्णवाहिकेसाठी ताफा, हिमाचलनंतर गुजरातमधील घटना; काँग्रेसनं ‘तो’ व्हिडीओ शेअर करत फेटाळला दावा!
Goldy Brar Detained :सिद्धू मुसेवाला हत्या प्रकरणातील मुख्य आरोपी गोल्डी ब्रारला अटक, कॅलिफोर्नियात ठोकल्या बेड्या!
“नवज्योतसिंग सिद्धू तुरुंगात ध्यानधारणा…”, तुरुंग अधिकाऱ्यांचा ‘पॉझिटिव्ह फीडबॅक’, जानेवारीतच होणार सुटका?

व्हिडिओ

ताज्या बातम्या
Video : स्वप्निल जोशीच्या महागड्या कारचा व्हिडीओ पाहिलात का? लक्झरी गाडीची किंमत आहे…
“कर्नाटकचा मुख्यमंत्री रोज तुमच्या तोंडावर थुंकतोय, तीन महिन्यांपूर्वी क्रांती…”, संजय राऊतांचं शिंदे सरकारवर टीकास्र!
पुण्यात गोवरचा रुग्ण नाही; दीडशे बालकांचे अहवाल नकारात्मक
प्रसिद्ध गायक जुबिन नौटियालचा अपघात; मुंबईच्या रुग्णालयात केलं दाखल
PAK vs ENG: “तबीयत ठीक नहीं है तो ५०० रन मारा, ठीक होते तो…” शोएब अख्तरने पाकिस्तान क्रिकेट बोर्डावर ओढले ताशेरे