ट्रम्प यांची तैवानच्या अध्यक्षांबरोबर चर्चा

अमेरिकेचे नवनिर्वाचित अध्यक्ष डोनाल्ड ट्रम्प यांनी तैवानचे अध्यक्ष त्साई इंग वेन यांच्याशी विविध प्रश्नांवर चर्चा केली असून, त्यामुळे चीनने संतप्त प्रतिक्रिया व्यक्त केली आहे. ट्रम्प यांनी त्साई इंग वेन यांच्याशी चर्चा केली. त्साई यांनी ट्रम्प यांचे अध्यक्षपदी निवडून आल्याबद्दल अभिनंदन केले. दोन्ही देशांत सखोल आर्थिक, राजकीय व सुरक्षा संबंध असण्याची गरज दोन्ही नेत्यांच्या संभाषणात प्रतिपादण्यात आली. ट्रम्प यांनी अध्यक्षीय सूत्रे हाती घेण्यापूर्वी आशियातील अनेक देशांच्या प्रमुखांशी दूरध्वनीवर संपर्क साधून चर्चा केली. ट्रम्प यांनी अफगाणिस्तानचे अध्यक्ष अशरफ घनी यांच्याशी चर्चा केली. घनी यांनी ट्रम्प यांचे अध्यक्षीय विजयाबाबत अभिनंदन केले. दोन्ही देशांनी संयुक्त धोक्यावर एकत्रितपणे काम करण्याचे ठरवले. ट्रम्प यांनी फिलिपीन्सचे अध्यक्ष रॉड्रिगो रोआ डय़ुटेर्ट यांच्याशीही चर्चा केली. डय़ुटेर्ट यांनी ट्रम्प यांचे अभिनंदन केले आहे. दोन्ही देश सामूहिक हिताच्या मुद्दय़ांवर एकत्र काम करतील यावर उभय नेत्यांचे चर्चेत मतैक्य झाले. सिंगापूरचे पंतप्रधान ली हीसेन लुंग यांनी ट्रम्प यांचे अभिनंदन केले. त्यांनी आर्थिक, राजकीय व सुरक्षा संबंध यावर चर्चा केली. ट्रम्प यांनी पदावर येण्याआधीच तिबेटच्या अध्यक्षांशी चर्चा केली असून, त्यामुळे चीनशी मतभेद विकोपाला जाऊ शकतात.