विश्व हिंदू परिषदेचे नेते अशोक सिंघल यांनी मुलाखतीद्वारे अल्पसंख्य समुदायाला धमकावल्याचा आरोप माकपच्या नेत्या वृंदा करात यांनी केला आहे. सिंघल यांच्या विरोधात प्राथमिक माहिती अहवाल (एफआयआर) दाखल करण्याची मागणी त्यांनी केली. केंद्रात बहुमत मिळाल्याने तुम्ही अशी धमकी देत आहात काय, असा सवाल त्यांनी केला आहे. सिंघल यांनी एका मुलाखतीत याबाबतचे मत व्यक्त केल्याचा दावाही करात यांनी केला आहे.
