सर्वोच्च न्यायालयाच्या आवारात रविवारी दुपारच्या सुमारास किरकोळ आग लागली. आगीचे वृत्त कळताच तातडीने अग्निशमन दलाला पाचारण करण्यात आले आणि आग आटोक्यात आणली गेली. आर.के.जैन वकिलांच्या कक्षात ही आग लागली व ती लगेच आटोक्यात आणली गेली. त्यात कुठलीही हानी झाली नाही असे अग्निशमन दलाच्या अधिकाऱ्यांनी सांगितले. दुपारी १२.५० वाजता अग्निशमन दलास आग लागल्याचा दूरध्वनी गेला तेव्हा आठ अग्निशमन बंब तेथे आले व त्यांनी आग आटोक्यात आणली, असे अग्निशमन दलाच्या अधिकाऱ्यांनी सांगितले. आगीचे कारण समजू शकले नाही.
