मतदानोत्तर चाचण्यांनुसार जर्मनीत अटीतटीची लढत

एआरडी पब्लिक टेलिव्हिजनसाठी घेण्यात आलेल्या मतदानोत्तर चाचणीत सोशल डेमॉक्रॅट्स आणि मर्केल यांच्या मध्यम- उजव्या युनियन ब्लॉकला प्रत्येकी २५ टक्के मतदारांचा पाठिंबा असल्याचे दिसून आले आहे. सोशल डेमॉक्रॅट्सतर्फे मावळते व्हाइस चान्सलर ओलाफ शूल्झ हे चान्सलरपदासाठी लढत असून, ब्लॉकचे नेतृत्व आर्मिन लाशेट हे करत आहेत.

झेडडीएफ पब्लिक टेलिव्हिजनच्या मतदानोत्तर चाचणीत सोशल डेमॉक्रॅट्सच्या बाजूने २६ टक्के, तर ब्लॉकच्या बाजूने २४ टक्के मते पडली आहेत. दोन्ही चाचण्यांत पर्यावरणवादी ग्रीन्स हा १५ टक्के मतदारांच्या पाठिंब्याने तिसऱ्या क्रमांकावर आहे.

युरोपमधील सर्वात मोठी अर्थव्यवस्था असलेल्या जर्मनीत यापुढचे आघाडी सरकार स्थापन करणे ही वेळखाऊ व गुंतागुंतीची प्रक्रिया ठरणार आहे.