scorecardresearch

Premium

गाझातील मदतीवर हमासचा डल्ला; नागरिकांना मारहाण केल्याचा व्हिडिओ इस्रायलकडून प्रसिद्ध

इस्रायलच्या संरक्षण दलाने एक व्हिडिओ प्रसारित करून हमासवर मदत चोरल्याचा आरोप केला आहे. तसेच हमासचे नेते भूमिगत झाले असून त्यांनी हमासचे सैनिक आणि सामान्य नागरिकांना वाऱ्यावर सोडले असल्याचेही इस्रायलच्या संरक्षण दलाने सांगितले.

Hamas members beat civilians
हमासकडून सामान्य नागरिकांना मारहाण, इस्रायलचा आरोप. (Photo – IDF X Account)

गाझापट्टीत इस्रायल आणि हमास यांच्यातील मानवतावादी युद्धविरामाचा शेवट तसेच ओलिसांची व कैद्यांची अदलाबदल झाल्यानंतर इस्रायलकडून पुन्हा एकदा गाझापट्टीवर बॉम्बहल्ले करण्यात आले. दरम्यान युद्धविरामाच्या काळात जगभरातून गाझातील नागरिकांसाठी जी मदत पाठविली गेली होती, त्यावर हमासच्या दहशतवाद्यांनी डल्ला मारला असल्याचा दावा इस्रायलने केला आहे. इस्रायल संरक्षण दलाने (Israel Defence Forces – IDF) रविवारी एक्स या सोशल मीडिया साईटवर एक व्हिडिओ पोस्ट करून हमासवर मदत चोरल्याचा आरोप केला. हमासने सामान्य नागरिकांना मारहाण करून गाझामध्ये पाठविलेली मानवतावादी मदत पळवून नेली असल्याचे व्हिडिओमध्ये दिसत आहे. गाझामधील सामान्य नागरिकांच्या गरजा पुढे करून हमास दहशतवादी मनसुबे पूर्ण करत असल्याचाही आरोप इस्रायलने केला आहे.

आयडीएफने शेअर केलेल्या व्हिडिओमध्ये काही लोकांना मारहाण होत असल्याचे दिसत आहे. तसेच काही लोक मदतीसाठी आलेल्या व्हॅनमधून सामान काढून आपल्या गाडीत भरत असल्याचे दिसत आहे. या व्हिडिओच्या कॅप्शनमध्ये इस्रायलने लिहिले की, हमासच्या दहशतवाद्यांनी मानवतावादी मदत पळवून नेली आहे. अनेक आंतरराष्ट्रीय संघटनांनी ही मदत गाझामध्ये पाठविली होती. गाझातल्या सामान्य लोकांना पुढे करून अशाप्रकारे हमास दहशतवादी कारवायांसाठी रसद मिळवत आहे.

meetings between ola uber companies and cab drivers
ओला, उबरचा तिढा सुटेना! कॅबचालक भाडेवाढीच्या मागणीवर ठाम; जिल्हाधिकाऱ्यांच्या बैठकीकडे लक्ष
mumbai crime news, person pistol catridges mumbai marathi news, mumbai crime marathi news
मुंबई : पिस्तूल, जिवंत काडतुसांसह सराईत आरोपीला अटक, आरोपीविरोधात हत्येच्या प्रयत्नाचे दोन गुन्हे दाखल
indian government, fencing, indo-myanmar border, surveillance, chin national front, Mizoram, Manipur, Nagaland, Arunachal Pradesh
म्यानमारच्या सीमेवरले संभाव्य कुंपण कुणाला टोचणार?
Uttarakhand riots
उत्तराखंडमध्ये दगडफेक, ५० पोलीस जखमी, दंगलखोरांना दिसताक्षणी गोळ्या घालण्याचे आदेश, मध्यरात्री काय घडलं?

दरम्यान आयडीएफने सांगितले की, गाझामधील अल-मवासी हा मानवतावादी परिसर म्हणून जाहीर करण्यात आलेला आहे. सामान्य लोकांना युद्धाची झळ बसू नये, यासाठी ही तरतूद केली आहे. मात्र हमासचे दहशतवादी गाझाला युद्धाच्या आगीत ढकलत आहेत. हमासने मानवतावादी परिसरातून अनेक रॉकेट्स डागले आहेत. या रॉकेट्समुळे गाझातील सामान्य लोकांसमोर आणखी धोका निर्माण झाला आहे.

हमासकडून इस्रायली लष्करावर हल्ला करण्यासाठी शाळा आणि मशिदीचा वापर करण्यात येत आहे, असेही आयडीएफने शनिवारी सांगितले. तसेच हमासकडून पायाभूत सुविधांचा वापर करून इस्रायली सैनिकांवर हल्ला केला जात आहे. दरम्यान आयडीएफचे प्रवक्ते डॅनिअल हगारी म्हणाले की, गाझापट्टीतील हमासच्या अनेक सैनिकांनी इस्रायली लष्करासमोर शरणागती पत्करत आत्मसमर्पण केले आहे. या सैनिकांकडून हमासची गुप्त माहिती इस्रायली लष्काराला मिळत आहे. इस्रायलविरोधात हमासकडून कशापद्धतीने छुपा हल्ला केला जातो, याचीही माहिती या सैनिकांकडून मिळवली जात आहे. आत्मसमर्पण केलेल्या सैनिकांनी त्यांचे शस्त्र आणि इतर उपकरणे इस्रायलच्या ताब्यात दिली आहेत.

हगारी पुढे म्हणाले, आत्मसमर्पण केलेल्या हमासच्या सैनिकांकडून महत्त्वाची गुप्त माहिती हाती येत आहे. हमासला जमिनीवरून प्रतिकार करण्यास अनेक अडचणी येत आहेत. मात्र हमासचे नेतृत्व हे सत्य स्वीकारण्यास तयार नाही. हमासचे दहशतवादी मैदानावर इस्रायली आक्रमणाला तोंड देत असताना हमासचे नेते मात्र भूमिगत झालेले आहेत. त्यांचा कोणताही संपर्क होत नाही, अशी बातमी टाइम्स ऑफ इस्रायलने दिली आहे.

हमासच्या भूमिगत झालेल्या नेत्यांना गाझामधील सामान्य लोकांची पर्वा नाही. हे सामान्य लोक जमिनीवर मोठ्या संकटाचा सामना करत आहेत. या सर्व घडामोडींमुळे हमासच्या दहशतवाद्यांमध्ये चिंतेचे वातावरण आहे, असेही हगारी पुढे म्हणाले.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Hamas members beat civilians stole humanitarian aid sent for gaza israel defence forces post video kvg

First published on: 10-12-2023 at 11:17 IST

संबंधित बातम्या

तुम्ही या बातम्या वाचल्या आहेत का? ×