IRS ऑफिसर कसा बनला कर्करोगग्रस्त पत्नीचा खुनी? दिल्लीत महिला वकिलाच्या हत्येच्या दिवशी काय घडलं?

या प्रकरणात आता अंत्येष भंडारी नावाच्या माणसाचं नावही पोलिसांसा कळलं आहे. नितीन सिन्हा त्याचा बंगला ५ कोटी ७० लाखांना या अंत्येषला विकणार होता. रविवारी म्हणजेच हत्येच्या दिवशीच ही डील फायनल झाली होती. रविवारी दुपारी १२ च्या सुमारास अंत्येष भंडारी हा नितीनचा बंगला ज्या ठिकाणी आहे त्या बंगल्याजवळ आला. सेक्टर ३० चा बंगला क्रमांक डी ४० या ठिकाणी आल्यानंतर नितीनने अंत्येष, त्याचा मुलगा आणि त्यांच्याबरोबर आलेला डिलर या सगळ्यांना बंगला दाखवला. आम्हाला वरचा मजला बघायचा आहे असं अंत्येष म्हणाला. त्यावर नितीनने त्याला सांगितलं की माझी पत्नी कर्करोगग्रस्त आहे आणि ती वर आराम करते आहे. आम्ही आता विदेशातच जाणार आहोत म्हणूनच आम्हाला हा बंगला विकायचा आहे. अंत्येषला पोलिसांनी जी चौकशी केली त्यावेळी अंत्येषने हे सांगितलं की आम्ही त्याच्या घरी गेलो तेव्हा तो खूपच घाबरला होता. मात्र त्याने खून वगैरे केला असेल असा तर आम्हाला संशयही आला नाही. आम्ही पाच कोटी ७० लाख रुपयांमध्ये बंगला घेणार होतो.. पण बरं झालं मी तो बंगला घेतला नाही.

आणखी वाचा

Doctor Murder : “शेवटी २०२४ मध्ये हत्या केलीच”, डॉक्टरच्या हत्याप्रकरणी अल्पवयीन मुलगा गजाआड; सोशल मीडिया पोस्टही चर्चेत!

Bigg Boss Marathi 5: सर्व एलिमिनेटेड सदस्यांची घरात…

अंबरनाथमध्येही अक्षय शिंदेच्या दफनविधीला विरोध पालकांची पालिका, स्मशानभूमी आणि पोलिसात धाव

हाजी अली दर्गा बॉम्बने उडवण्याची धमकी; अज्ञात व्यक्तीच्या फोनकॉलनंतर खळबळ; मुंबई पोलिसांकडून तपास सुरू

वसई: बलात्काराच्या तक्रारीनंतर भाजपा जिल्हा उपाध्यक्ष फरार, पक्षाने केली पदावरून हकालपट्टी

Bengaluru Murder : “फ्रिजमध्ये माझ्या मुलीच्या मृतदेहाचे तुकडे पाहिले आणि…”, बंगळुरुत हत्या झालेल्या महालक्ष्मीच्या आईने काय सांगितलं?

पेजर स्फोटप्रकरणी केरळमध्ये तपास; नॉर्वेस्थित रिन्सन जोस याच्या कुटुंबीयांची चौकशी

Vinesh Phogat: विनेश फोगटचे पीटी उषा यांच्यावरील आरोप खोटे? वकिल हरिश साळवे यांनी सांगितलं नेमकं काय घडलं?

नितीन सिन्हा होता IRS अधिकारी

नितीन सिन्हाने पोलिसांच्या चौकशीत हे सांगितलं की माझ्या पत्नीला म्हणजेच रेणू सिन्हाला कर्करोगाने ग्रासलं होतं. तिच्यावर उपचारही सुरु होते. मात्र आमच्यात बंगला विकण्यावरून वाद होत होते. मी ५ कोटी ७० लाखांना बंगल्याचं डील फायनल केलं होतं पण रेणूला ते आवडलं नव्हतं. त्यामुळेच मी तिची हत्या केली अशी कबुलीही नितीनने दिली. तसंच आपण त्यानंतर स्टोअर रूममध्ये लपलो होतो आणि नोकरी करत असताना इंडियन रेव्हेन्यू सर्विस अधिकारी होतो. मी नंतर नोकरी सोडली असंही पोलिसांना त्याने सांगितलं आहे. आता पोलीस नितीनची आणखी चौकशी करत आहेत.

काय आहे हे प्रकरण?

सर्वोच्च न्यायालयात काम करणाऱ्या वकील रेणू सिन्हा यांची हत्या करण्यात आली. या प्रकरणी २४ तास आपल्याच बंगल्यात लपून बसलेल्या सिन्हा यांच्या पतीला पोलिसांनी अटक केली आहे. ६१ वर्षीय वकील रेणू सिन्हा यांचा मृतदेह रविवारी संध्याकाळी त्यांच्याच बंगल्याच्या बाथरूममध्ये आढळला होता. त्यांचा मृतदेह संशयास्पद स्थितीत होता. त्यामुळेच हे प्रकरण खुनाचं आहे हा प्राथमिक अंदाज पोलिसांनी लावला होता. आता या प्रकरणात त्यांच्या पतीला अटक करण्यात आली आहे. आज तकने हे वृत्त दिलं आहे.

पोलिसांनी रेणू सिन्हा यांचा मृतदेह शवविच्छेदनासाठी पाठवला आहे. रेणू सिन्हा यांच्या भावाने केलेल्या तक्रारीनंतर पोलीस घटना स्थळी आले. त्यांनी दरवाजा तोडला तेव्हा त्यांना आत रेणू यांचा मृतदेह पडल्याचं आढळलं. रेणू सिन्हा यांच्या भावासह कुटुंबाने त्यांच्या पतीनेच ही हत्या केली असावी हा संशय व्यक्त केला होता. रेणू सिन्हा यांचा मृतदेह जेव्हा सापडला तेव्हा त्यांचे पती घरातून बेपत्ता झाले होते. पोलीस त्यांचा शोध घेत होते. मात्र पहाटे ३ वाजण्याच्या सुमारास पोलिसांनी रेणू सिन्हा यांच्या पतीला त्यांच्या घरातूनच अटक केली. हत्येनंतर रेणू सिन्हा यांचा पती बंगल्याच्या स्टोअर रूममध्ये लपला होता. मालमत्तेच्या वादातून ही हत्या झाल्याची बाब समोर आली आहे. नितीन सिन्हा असं रेणू सिन्हा यांच्या पतीचं नाव आहे. पोलिसांनी नितीनला अटक केली आहे.