भारताची ताकद आणखी वाढली! बॅलेस्टिक मिसाइल अग्नि ५ ची यशस्वी चाचणी, जमिनीवरुन जमिनीवर मारा करण्याची क्षमता

अग्नि ५ चा वेग मॅक २४ इतका आहे

अग्नि -५ चा वेग मॅक २४ आहे या क्षेपणास्त्राची लाँचिंग यंत्रणा कॅनिस्टर तंत्रज्ञानावर आधारित आहे. या कारणामुळं याची वाहतूक करणं देखील सोपं आहे. सध्या भारताशिवाय केवळ आठ देशांकडे इंटर कॉन्टिनेंटल बॅलेस्टिक मिसाईल आहे. रशिया, अमेरिका, चीन, फ्रान्स, इस्त्रायल, ब्रिटन आणि कोरियाचा समावेश आहे.

संरक्षण मंत्रालयाने दिलेल्या माहितीनुसार, ही चाचणी आज (२० ऑगस्ट २०२५) रोजी स्ट्रॅटेजिक फोर्स कमांड अंतर्गत करण्यात आली. या क्षेपणास्त्राने सर्व ऑपरेशनल आणि तांत्रिक निकष पूर्ण केले आहेत. संरक्षण अधिकाऱ्यांच्या मते, ही चाचणी नियमित प्रक्रियेचा एक भाग आहे जेणेकरून सिस्टम तयार ठेवता येईल आणि गरज पडल्यास सिस्टम वेगात तैनात आणि सक्रिय करता येईल.