अमेरिकेत भारतीय विद्यार्थ्यांच्या मृत्यूचे सत्र थांबेना; एकाच आठवड्यात तीन मृत्यू

अमेरिकेत भारतीय विद्यार्थ्याची हत्या; बेघर व्यक्तीला आश्रय दिला, त्यानेच हातोडीने फोडलं डोकं, केले ५० वार!

नील आचार्य नावाचा आणखी एक भारतीय विद्यार्थी मागच्या आठवड्यात मृत्यूमुखी पडला. इंडियाना राज्यातील पर्ड्यू विद्यापीठात नील शिक्षण घेत होता. पर्ड्यू विद्यापीठातील जॉन मार्टिसन होनर्स महाविद्यालयातून त्याने कम्प्युटर सायन्स आणि डेटा सायन्समध्ये पदवी घेतली होती. रविवारी तो बेपत्ता झाल्याचे समोर आले आणि त्यानंतर सोमवारी त्याचा मृतदेह आढळून आला.

मागच्यावर्षी नोव्हेंबर महिन्यात २६ वर्षीय आदित्य अदलखाचाही अशाच प्रकारे मृत्यू झाला होता. भारतात वैद्यकीय शिक्षण घेऊन अमेरिकेच्या सिनसिनाटी वि्दयापीठात शिक्षण घेत असलेल्या आदित्यचा ओहियो राज्यात खून झाला होता. गाडीत बसलेला असताना त्याच्यावर गोळी झाडण्यात आली. आण्विक आणि विकासात्मक जीवशास्त्र विषयात पीएचडी करण्यासाठी आदित्य अमेरिकेत गेला होता.

आणखी एका प्रकरणात इलिनॉय विद्यापीठात शिक्षण घेणाऱ्या १८ वर्षीय अकुल धवन विद्यार्थ्याचा जानेवारी महिन्यात मृत्यू झाला होता. धवन त्याच्या खोलीतून बेपत्ता झाल्याची माहिती मिळाली, त्यानंतर त्याचा मृत्यू झाला. त्यावेळी घराबाहेर उणे १७ अंश सेल्सियस इतके भयानक तापमान असताना अकुल बेपत्ता झाला होता. इलिनॉय विद्यापीठाच्या संकुलातच त्याचा मृतदेह आढळून आला होता.