मोदी, संसद भवन आणि लष्कराचे मुख्यालय दहशतवाद्यांच्या निशाण्यावर

नववर्षात देशात ‘लष्करे तैय्यबा’ या दहशतवादी संघटनेकडून हल्ल्याची शक्यता असल्याचा इशारा गुप्तचर यंत्रणेने दिला आहे. पंतप्रधान नरेंद्र मोदी, संसद भवन आणि लष्कराचे मुख्यालय दहशतवाद्यांच्या हिटलिस्टवर असून, सीमेपलीकडून काही दहशतवादी भारतात घुसल्याची माहिती गुप्तचर यंत्रणांनी दिली. याआधी सोमवारी केंद्र सरकारने नववर्षानिमित्त करण्यात येणाऱ्या सेलिब्रेशनवेळी मुख्यत्वे पर्यटनस्थळांवर हल्ले होण्याची शक्यता वर्तविली होती. तसेच राज्यांना सतर्कतेच्या सूचना देखील दिल्या आहेत. महत्त्वाची ठिकाणे, धार्मिक स्थळे, बाजारपेठा आणि गर्दीच्या ठिकाणी चोख सुरक्षा व्यवस्था ठेवण्याचे आदेश केंद्राने राज्य सरकारांना दिले आहेत.