अ‍ॅपलचा ‘आयपॅड मिनी’ २३ ऑक्टोबरला सादर होणार

अ‍ॅपल या कंपनीच्या वतीने येत्या २३ ऑक्टोबरला बहुचर्चित व अत्याधुनिक ‘आयपॅड मिनी’ सादर केला जाणार असल्याचे समजते. अ‍ॅपल टाउन हॉलच्या ऑडिटोरियम मध्ये होणाऱ्या या कार्यक्रमात तो सादर केला जाणार असून त्यात खास निमंत्रितांनाच प्रवेश दिला जाणार आहे.

अ‍ॅपल या कंपनीच्या वतीने येत्या २३ ऑक्टोबरला बहुचर्चित व अत्याधुनिक ‘आयपॅड मिनी’ सादर केला जाणार असल्याचे समजते. अ‍ॅपल टाउन हॉलच्या ऑडिटोरियम मध्ये होणाऱ्या या कार्यक्रमात तो सादर केला जाणार असून त्यात खास निमंत्रितांनाच प्रवेश दिला जाणार आहे. आयफोन फोर एस, मॅक बुक एअर व ओएस एक्स लायन ही उत्पादनेही पहिल्यांदा येथेच जाहीरपणे सादर करण्यात आली होती.
अ‍ॅपल आता छोटा, कमी खर्चातील लोकप्रिय आयपॅड तयार करीत असून तोच आयपॅड मिनी नावाने सादर केला जात आहे. सॅमसंगचा नोट व इतर स्वस्त साधनांचा मुकाबला करण्यासाठी अ‍ॅपल कंपनी आयपॅड मिनी सादर करीत आहेत. स्मार्ट फोन व मोठे टॅबलेट यांच्याशिवाय मधला ग्राहक वर्ग पकडण्यासाठीही अ‍ॅपलला त्याचा उपयोग होत आहे.
अ‍ॅपलच्या प्रवक्तयांनी मात्र या वृत्तास दुजोरा दिलेला नाही. विशेष म्हणजे मायक्रोसॉफ्टचा सरफेस टॅबलेट २६ ऑक्टोबरला सादर केला जाणार आहे व त्याला ‘विंडोज ८’ सॉफ्टवेअर वापरले जाणार आहे. आयपॅड मिनीचा पडदा ७.८५ इंचाचा असून त्यात ‘आयफोन ५’ सारखे लायटनिंग कनेक्टर बसवण्यात आले असून तो सडपातळ असणार आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ipad mini from appeal will launched on 23 october

ताज्या बातम्या