मनी लॉन्ड्रिंग प्रकरणात उद्योगपती ललित गोयल यांना अटक; पँडोरा पेपर्समध्ये आले होते नाव

ईडीच्या लुकआउट नोटीसच्या आधारे ललित गोयल यांना दिल्लीच्या इंदिरा गांधी आंतरराष्ट्रीय विमानतळावर थांबवण्यात आले होते. कारवाई पासून वाचण्यासाठी ते देश सोडून पळून जाण्याचा प्रयत्न करत होते अशी माहिती काही माध्यमांनी दिली होती. ईडीच्या अधिकाऱ्यांनी एका निवेदनात म्हटले आहे की, ललित गोयलला पकडण्यापूर्वी ते अमेरिकेच्या विमानात बसणार होते.

२०१० मध्ये, गोयल यांनी सुमारे सात कोटी ७० लाख अमेरिकी डॉलर वेगवेगळ्या ट्रस्टला हस्तांतरित केले होते, ज्याबद्दल ईडी या प्रकरणाची चौकशी करत आहे. अहवालानुसार हा पैसा गुंतवणूकदारांचा होता. आयआरईओ हा दिल्ली-एनसीआर मधील एक प्रमुख रिअल इस्टेट समूह आहे.