Israel launches airstrikes against Iran in revenge for missile attack

Israel Attack on Iran: मध्य पूर्व भागात तणावाचे वातावरण असताना आता इस्रायलने इराणवर हवाई हल्ला चढवला आहे. हेझबोलाने इस्रायलवर क्षेपणास्त्र डागले होते, त्याचा सूड म्हणून हा हल्ला केल्याचे सांगितले जात आहे.

इस्रायलचा इराणवर हवा हल्ला. (Photo - Reuters)

Israel Attack on Iran: शनिवारी रात्री इस्रायलने इराणवर थेट हवाई हल्ला केला. १ ऑक्टोबर रोजी इराणने इस्रायलवर १८० क्षेपणास्त्र डागले होते. या हल्ल्याला प्रत्युत्तर म्हणून २६ दिवसांनंतर इस्रायलकडून सदर हल्ला केला गेल्याचे इस्रायल डिफेन्स फोर्सने एक्सवर पोस्ट करून सांगितले आहे. शनिवारी पहाटे इस्रायलने इराणमधील लष्करी तळांना लक्ष्य केले. यानंतर आता दोन्ही देशांमध्ये युद्ध भडकण्याची शक्यता वर्तविली जात आहे. इस्रायलने दिलेल्या माहितीनुसार, इराणमधील १० लष्करी तळांना लक्ष्य केले गेले आहे. हा हल्ला फक्त लष्करी तळापुरताच मर्यादित होता. इतर ठिकाणी हल्ले झाले नाहीत, असा दावा इस्रायलने केला आहे. इराणचे या हल्ल्यात किती नुकसान झाले, याबाबतची माहिती मात्र अद्याप मिळू शकलेली नाही.

Israel Defence Forces tweets, "In response to months of continuous attacks from the regime in Iran against the State of Israel—right now the Israel Defense Forces is conducting precise strikes on military targets in Iran. The regime in Iran and its proxies in the region have been… pic.twitter.com/hMCYS5mlKo
— ANI (@ANI) October 25, 2024

इराणच्या लष्कराने प्रसिद्ध केलेल्या निवेदनात म्हटले की, इराण आणि स्थानिक दहशतवादी संघटना ७ ऑक्टोबर २०२३ पासून इस्रायलवर चहुबाजूंनी हल्ला होत आहे. इराणच्या भूमीवरून तर इस्रायलवर थेट हल्ले झाले आहेत. जगातील इतर सार्वभौम देशांप्रमाणेच इस्रायललाही त्यांच्यावर झालेल्या हल्ल्याचे प्रत्युत्तर देण्याचा अधिकार आहे. दरम्यान हे हल्ले कुठून, कसे करण्यात आले, याची मात्र कोणतीही माहिती दिली गेली नाही.

The Chief of the General Staff, LTG Herzi Halevi, is currently commanding the strike on Iran from the Israeli Air Force underground command center in Camp Rabin (The Kirya) with the Commanding Officer of the Israeli Air Force, Maj. Gen. Tomer Bar. pic.twitter.com/HChm7XdTds
— Israel Defense Forces (@IDF) October 26, 2024

इराणमधील माध्यमांनी दिलेल्या बातम्यांनुसार राजधानी तेहरानच्या आसपासही दोन हल्ले झाल्याची माहिती मिळत आहे. इस्रायलच्या आक्रमकतेला आम्हीही उत्तर देऊ, असे इराणकडून सुचित करण्यात आले आहे.

Israel Attack on Iran: इस्रायलचा इराणवर हवाई हल्ला; लष्करी तळांना लक्ष्य केले, पुन्हा युद्ध भडकणार?