लष्कराला तयारीसाठी ६-७ महिने लागतील, आम्हाला दोनच दिवस : मोहन भागवत

संघाच्या शिबिरादरम्यान केला दावा

loksatta, marathi news paper, news paper, news online, marathi news, marathi news online, newspaper, news, latest news in marathi, current news in marathi,sport news in marathi, bollywood news in marathi, rss chief mohan bhagvat, demonetization, cashless economy
सरसंघचालक मोहन भागवत (संग्रहित छायाचित्र)

ऱाष्ट्रीय स्वयंसेवक संघाचे प्रमुख मोहन भागवत हे सध्या बिहारमधील मुझफ्परपूर येथे संघाच्या शिबिरामध्ये स्वयंसेवकांना शिस्तीचे धडे देत आहेत. यावेळी ते म्हणाले की, आपण लष्कर नाही मात्र आपली शिस्त लष्कराप्रमाणेच आहे. आपले स्वयंसेवक लष्कराच्या आधी तयार होऊ शकतात असा दावाही त्यांनी यावेळी केला. आजतकने यासंदर्भात वृत्त दिले आहे.

भागवत म्हणाले, देशाला जर आमची गरज पडल्यास तसेच आमच्या संविधानाने आणि कायद्याने आम्हाला परवानगी दिली तर आम्ही तत्काळ शत्रूशी लढण्यास तयार आहोत. आपल्या स्वयंसेवकांचे कौतुक करातना भागवत हे ही म्हणून गेले की, सैन्याला तायरीसाठी ६-७ महिने लागतील मात्र, आपण २ दिवसांतच तयार होऊ शकतो, कारण आमची शिस्तच तशी आहे.

मोहन भागवत गेल्या ६ फेब्रुवारीपासून मुजफ्फरपूरच्या दौऱ्यावर आहेत. दरम्यान, त्यांनी संघाच्या अनेक कार्यक्रमात सहभाग घेतला. आपल्या कार्यक्रमाच्या शेवटच्या दिवशी भागवत यांनी शिस्तच आमची ओळख आहे या गोष्टीवर जोर दिला. आमची संघटना ही लष्करी किंवा निमलष्करी संघटना नाही. मात्र, ती एक कौटुंबिक संघटना असल्याचेही ते यावेळी म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: It takes 6 7 months for the army to prepare we have only two days says mohan bhagwat