scorecardresearch

Premium

पद नाही तर विकास हाच उद्देश! केसीआर यांचे भावनिक आवाहन

विधानसभा निवडणूक प्रचाराच्या अखेरच्या दिवशी तेलंगणाचे मुख्यमंत्री के चंद्रशेखर राव यांनी कोणतेही पद हे आपले ध्येय नसून राज्याचा विकास हेच ध्येय असल्याचा दावा केला.

KCR emotional appeal that the goal is development not position
पद नाही तर विकास हाच उद्देश! केसीआर यांचे भावनिक आवाहन ( संग्रहित छायाचित्र)/ लोकसत्ता

पीटीआय, गजवाल

विधानसभा निवडणूक प्रचाराच्या अखेरच्या दिवशी तेलंगणाचे मुख्यमंत्री के चंद्रशेखर राव यांनी कोणतेही पद हे आपले ध्येय नसून राज्याचा विकास हेच ध्येय असल्याचा दावा केला. पुढील वर्षी फेब्रुवारीमध्ये आपण ७० वर्षांचे होऊ असे सांगून त्यांनी मतदारांना भावनिक साद घालण्याचा प्रयत्न केला.स्वत:चा मतदारसंघ असलेल्या गजवाल येथे अखेरची प्रचारसभा घेताना केसीआर यांनी तेलंगणात ‘इंदिरा राज्य’ परत आणण्याच्या काँग्रेसच्या आश्वासनावर टीका केली. इंदिरा गांधी यांची राजवट चकमकी, गोळीबार आणि हत्या यांनी भरलेली होती असा आरोप त्यांनी केला.

Narayan Rane Devendra Fadnavis
मराठा आरक्षणाच्या अधिसूचनेवर राणे-भुजबळांचा आक्षेप, देवेंद्र फडणवीस म्हणाले, “सरकारने घेतलेला निर्णय…”
nitish Kumar to join bjp
नितीश कुमार यांचा यू-टर्न; जदयू-भाजपाच्या सरकारचा ‘या’ दिवशी होणार शपथविधी?
india alliance marathi news, india alliance unity marathi news
इंडिया आघाडीच्या ऐक्याला तडा
congress leader prithviraj chavan news in marathi, congress leader prithviraj chavan marathi news
VIDEO : “लोकसभा निवडणूक लढणार का?”… या प्रश्नावर माजी मुख्यमंत्री पृथ्वीराज चव्हाण यांनी एकही शब्द न बोलता दिली भन्नाट प्रतिक्रिया…

यावेळी केसीआर यांनी आपल्याला निवडून देण्याबद्दल मतदारांचे आभार मानले. तसेच पुन्हा संधी मिळाली तर राज्याचा अधिक विकास करू असे आश्वासनही दिले. ते म्हणाले, की तेलंगणा राज्याची निर्मिती हा माझ्यासाठी मोठा बहुमान आहे. मी मुख्यमंत्रीपदाची १० वर्षे पूर्ण केली आहेत. तेलंगणा भविष्यात महान राज्य व्हावे ही माझी महत्त्वाकांक्षा आहे. राज्य १०० टक्के साक्षर होईल आणि गरिबांना मोफत वैद्यकीय सुविधा मिळतील अशी आशाही त्यांनी व्यक्त केली. तसेच त्यांनी अनेक आश्वासनेही दिली.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kcr emotional appeal that the goal is development not position amy

First published on: 29-11-2023 at 05:02 IST

संबंधित बातम्या

तुम्ही या बातम्या वाचल्या आहेत का? ×