पश्चिम बंगालमध्ये भाजपा आमदाराचा मृतदेह आढळून आल्यानंतर मोठी खळबळ उडाली होती. एका छताला टांगलेल्या अवस्थेत आमदारांचा मृतदेह होता. या घटनेवरून कवि कुमार विश्वास यांनी पश्चिम बंगालच्या मुख्यमंत्री ममता बॅनर्जी यांच्या सरकार विरोधात संताप व्यक्त केला आहे. पश्चिम बंगालमध्ये ही घटना घडल्यानंतर कुमार विश्वास यांनी एक ट्विट केलं आहे. "ममता दीदी इतकी क्रुरता! जेव्हा आपण डाव्यांविरोधात लढत होतात. त्यावेळी कार्यकर्त्यांच्या सरकारकडून होणाऱ्या हिंसक छळावर तुम्ही राग व्यक्त करायच्या. त्यामुळे तुमचा आदर वाटायचा. पण गेल्या काही वर्षात तुमच्या राजकीय असहिष्णुतेमुळे तुमच्याविषयी राग निर्माण करत आहे. हे खूप लाजिवाणे आहे," असं कुमार विश्वास यांनी म्हटलं आहे. उफ @MamataOfficial दीदी,इतनी क्रूरता ! वामपंथियों से जब आप लड़ती थीं तो आपके कार्यकर्ताओं के साथ उनके हिंसक सरकारी दमन के ख़िलाफ़ आपका सार्वजनिक रुदन आपके प्रति सम्मान जगाता था पर पिछले कुछ सालों में आपकी राजनैतिक असहिष्णुता आपके प्रति गहरी जुगुप्सा पैदा करती है ! बेहद शर्मनाक — Dr Kumar Vishvas (@DrKumarVishwas) July 13, 2020 पश्चिम बंगालमधील उत्तर दिनाजपूर येथील एका दुकानाच्या बाहेर आमदार देवेंद्र नाथ रे यांचा मृतदेह आढळला होता. ही हत्या असल्याचा आरोप भाजपाकडून करण्यात आला आहे. घरापासून एक किमी अंतरावर देवेंद्र यांचा मृतदेह आढळला. देबेंद्र यांच्या कुटुंबातील एका सदस्याने केलेल्या दाव्यानुसार, काही लोक मध्यरात्री एक वाजण्याच्या सुमारास घरी आले आणि त्यांना आपल्यासोबत घेऊन गेले होते. देवेंद्र यांच्या कुटुंबाने याप्रकरणी चौकशीची मागणी केली आहे.
