LPG Gas Cylinder Price : गॅस सिलिंडरच्या दरात मोठी वाढ; आता किती रुपयांना मिळणार सिलिंडर?

आज जाहीर करण्यात आलेल्या नवीन दरानुसार, आता १९ किलोच्या व्यावसायिक गॅस सिलिंडरच्या किंमतीत ३९ रूपयांनी वाढ करण्यात आली आहे. त्यामुळे १९ किलोचा व्यावसायिक गॅस सिलिंडर आजपासून १ हजार ६९१ रुपयांना मिळणार आहे. तेल कंपन्यांनी एलपीजी सिलिंडरच्या दरात वाढ करण्याचा निर्णय घेतल्यानंतर आजपासून हे नवे दर लागू करण्यात आले आहेत. यासंदर्भातील वृत्त इंडिया टुडेनी दिलं आहे.

हेही वाचा : Haryana Mob Lynching : गोमांस खाल्ल्याच्या संशयातून बेदम मारहाण करत मजुराची हत्या; एकजण गंभीर, सात आरोपी गजाआड

दरम्यान, व्यावसायिक गॅस सिलिंडरच्या किंमतीत ३९ रूपयांनी वाढ करण्यात आल्यामुळे सर्वसामान्य नागरिकांना पुन्हा एकदा महागाईचा फटका बसणार आहे. आज जाहीर झालेल्या नव्या दरानुसार, आता संपूर्ण देशभरात व्यावसायिक गॅस सिलिंडरचे दर महागले आहेत. ही दरवाढ फक्त १९ किलोच्या व्यावसायिक सिलिंडरच्या दरामध्येच असणार आहे.

घरगुती सिलेंडरच्या दरात वाढ झाली का?

आज (१ सप्टेंबर) गॅस सिलिंडरचे नवीन दर जाहीर झाले आहेत. यामध्ये फक्त १९ किलोच्या व्यावसायिक सिलिंडरच्या दरामध्येच वाढ झाली आहे. मात्र, घरगुती सिलेंडरच्या दरात कोणताही बदल झालेला नाही. तेल कंपन्यांनी फक्त व्यावसायिक सिलिंडरच्या दरामध्येच वाढ केली असून घरगुती १४ किलोच्या गॅस सिलिंडरच्या किंमतीत कोणताही बदल करण्यात आलेला नाही.

दरम्यान, सर्वसामान्यांसाठी खर्चाचे नियोजन करण्यासाठी पगाराची १ तारीख महत्त्वाची असते. या १ तारखेला दर महिन्यात काही गोष्टी स्वस्त होतात तर काही गोष्टी महाग होतात. आता आज (१ सप्टेंबर) व्यावसायिक गॅस सिलिंडरच्या किंमतीत ३९ रुपयांनी वाढ झाल्यामुळे याचा फटका छोट्या-मोठ्या व्यावसायिकांसह सर्वसामान्यांनाही बसणार आहे.

जुलैमध्ये सिलिंडरच्या दरात झाली होती कपात

दरम्यान, जुलैमध्ये गॅस सिलिंडरच्या दरात मोठी कपात झाली होती. जुलैमध्ये व्यावसायिक गॅस सिलिंडर तब्बल ३० रूपयांनी स्वस्त करण्यात आले होते. त्यामुळे छोट्या-मोठ्या व्यावसायिकांना मोठा दिलासा मिळला होता. मात्र, आता सप्टेंबरमध्ये व्यावसायिक सिलिंडरच्या किंमतीत मोठी वाढ करण्यात आली आहे.