माणुसकी दाखवणारी घटना! रुग्णालयात असहाय्य स्थितीत पडलेल्या मुलाला पाहून IAS अधिकाऱ्याला अश्रू अनावर, पाहा VIDEO

रोशन जॅकब यांचा रुग्णालयातील व्हिडीओ व्हायरल झाला असून, यामध्ये त्या जखमी झालेल्या मुलाची चौकशी करत असून डॉक्टरांना योग्य ते उपचार करण्यास सांगताना दिसत आहेत.

डॉक्टरांशी चर्चा करतानाही त्या सतत आपले डोळे पुसत होत्या. यावेळी त्यांनी वेदना सहन होत नसल्याने रडणाऱ्या मुलाला धीर देण्याचाही प्रयत्न केला.

जॅकब या २००४ च्या बॅचच्या आयएएस अधिकारी आहेत. लखनऊमध्ये दोन आठवड्यांपूर्वी पाणी साचलेल्या रस्त्यांची पाहणी केल्याचा त्यांचा व्हिडीओ व्हायरल झाल्यानंतर त्या चर्चेत आल्या होत्या.

उत्तर प्रदेश पोलिसांनी दिलेल्या माहितीनुसार, राष्ट्रीय महामार्ग ७३० वर हा अपघात झाला. लखनऊला निघालेल्या बसचा समोरुन येणाऱ्या ट्रकशी धडक होऊन हा अपघात झाला. पंतप्रधान नरेंद्र मोदी आणि राष्ट्रपती द्रौपदी मुर्म यांनीदेखील अपघातानंतर शोक व्यक्त केला आहे.

अपघातात मृत्यू झालेल्यांच्या कुटुंबीयांना मोदींनी दोन लाखांची तर जखमींना ५० हजारांची मदत जाहीर केली आहे.