scorecardresearch

Premium

खासदार महुआ मोईत्रा लोकसभेतून बडतर्फ; समितीचा अहवाल येताच काही तासांतच निर्णय

तृणमूल काँग्रेसच्या ४९ वर्षीय खासदार महुआ मोईत्रा यांच्यावर दोन कोटी रुपयांची लाच आणि महागड्या भेटवस्तू घेतल्याचा आरोप ठेवण्यात आला होता.

Mahua-Moitra-expelled-from-Loksabha
तृणमूल काँग्रेसच्या खासदार महुआ मोईत्रा यांना लोकसभेतून बडतर्फ करण्यात आले आहे. (Photo – PTI)

लोकसभेत आज महुआ मोईत्रा यांच्याशी संबंधित असलेला कॅश फॉर क्वेरी प्रकरणावरील नीतिमत्ता समितीचा अहवाल लोकसभेत मांडला गेला. समितीच्या अहवालात मोईत्रा यांना बडतर्फ करण्यात यावे, अशी शिफारस करण्यात आली होती. मोईत्रा यांनी लोकसभेत प्रश्न विचारण्यासाठी व्यावसायिक हिरानंदानी यांच्याकडून रोख रक्कम आणि महागड्या भेटवस्तू घेतल्या होत्या, असा आरोप ठेवण्यात आला होता. एवढेच नाहीतर मोईत्रा यांनी हिरानंदानी यांना संसदेकडून दिले जाणारा लॉग-इन आयडी व पासवर्ड दिला होता. त्यावरून हिरानंदानी यांनी अदानी समूहासंदर्भात प्रश्न विचारले होते. त्याबदल्यात मोईत्रा यांनी लाच घेतल्याचा आरोप दुबेंनी लोकसभाध्यक्षांना पत्र लिहून केला होता. या पत्राच्या आधारे लोकसभाध्यक्षांनी हे प्रकरण नैतिकता समितीकडे सोपविले होते.

हे वाचा >> ‘त्यांनी वस्त्रहरण केलं, आता महाभारत घडेल’, हकालपट्टीच्या शिफारशीवरून खासदार महुआ मोईत्रा आक्रमक

Fraud with trader dhule
पंजाबचा व्यापारी अन धुळ्याचे पोलीस
Youth Congress opposes the word Modi in Akola
अकोल्यात युवक काँग्रेसचा ‘मोदी’ शब्दाला विरोध, योजनांच्या फलकांवर ‘मोदी सरकार’ऐवजी…
Atishi
केजरीवालांपाठोपाठ आप मंत्र्याच्या घरी दिल्ली क्राईम ब्रँचची धडक, आमदारांच्या घोडेबाजाराचं प्रकरण
Report of MNS candidates
पुणे लोकसभेसाठी मनसेच्या उमेदवारांचा अहवाल तयार… जाणून घ्या कोण आहेत संभाव्य उमेदवार ?

आज दुपारी नीतिमत्ता समितीचा अहवाल लोकसभा पटलावर ठेवण्यात आला. विरोधी पक्षाच्या खासदारांनी अहवालाची प्रत मिळाली नसल्याचा आरोप करत चार दिवसांचा वेळ मागितला होता. मात्र दुपारी २ वाजता यासंबंधीची चर्चा सुरू करण्यात आली. यावेळी महुआ मोईत्रा यांना त्यांची बाजू मांडण्याची किंवा बोलण्याची संधी दिली गेली नाही. तृणमूल काँग्रेसने पक्षाच्या वतीने त्यांना बोलण्याची परवानगी द्यावी, अशी मागणी केली. मात्र अध्यक्षांनी त्याला परवानगी दिली नाही.

लोकसभेच्या बाहेर आल्यानंतर महुआ मोईत्रा म्हणाल्या की, दर्शन हिरानंदानी यांनी पैसे दिल्याचे कोणतेही पुरावे समितीने दिलेले नाहीत. तसेच हिरानंदानी यांना जबाब नोंदविण्यासाठीही बोलावले नाही. तसेच मी भेटवस्तू स्वीकारल्या याचेही कोणतेही पुरावे समितीकडे नाहीत. मी फक्त माझा लॉगिन आयडी शेअर केला, एवढीच तक्रार माझ्याविरोधात केली गेली. त्यावरून आज मला बडतर्फ केले. कांगारू न्यायालयाप्रमाणे माझे प्रकरण हाताळले गेले.

लोकसभेचे अध्यक्ष ओम बिर्ला म्हणाले, “नीतिमत्ता समितीने अहवालात सुचविलेल्या शिफारशी सभागृहाने स्वीकारल्या आहेत. खासदार म्हणून महुआ मोईत्रा यांचे वर्तन अनैतिक आणि असभ्य होते. त्यामुळे त्यांना खासदार या पदावर ठेवता येणार नाही.” विशेष म्हणजे समितीचा अहवाल पटलावर मांडल्यानंतर काही तासांतच लोकसभा सभागृहाने महुआ मोईत्रा यांना निलंबित केले आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahua moitra expelled from lok sabha without being given chance to speak over cash for query row kvg

First published on: 08-12-2023 at 15:58 IST

संबंधित बातम्या

तुम्ही या बातम्या वाचल्या आहेत का? ×