कृष्णजन्मभूमी आंदोलनाच्या पार्श्वभूमीवर मथुरेत पोलिसांचा बंदोबस्त

ही कवायत शनिवारी पोलीस लाइन्स भागात झाल्याची माहिती वरिष्ठ पोलीस अधीक्षक गौरव ग्रोव्हर यांनी दिली. जिल्हा दंडाधिकारी नवनीत सिंग चहल यांच्या उपस्थितीत शस्त्रांची चाचणीही घेण्यात आल्याचे त्यांनी सांगितले.

शाही ईदगाह मशिदीत मूर्ती बसवण्याची घोषणा हिंदुत्ववादी संघटनांनी केल्यानंतर पोलिसांनी यापूर्वी शहरातील सुरक्षा वाढवली होती.

औरंगजेबाच्या काळातील शहरातील या मशिदीच्या शेजारीच केशवदेव मंदिर आहे. पोलिसांनी कलम १४४ लागू केले असून लोकांना मोठय़ा संख्येत एकत्र येण्यास बंदी घातली आहे.

सीमांची नाकाबंदी

शनिवारी सायंकाळपासून शहराच्या सीमांवर झडतीसह इतर सुरक्षाविषयक उपाययोजना करण्यात येत असल्याचे शहर पोलीस अधीक्षक मरतड प्रकाश सिंह यांनी सांगितले. रविवारी सकाळपासून निरनिराळ्या ठिकाणी निमलष्करी दलेही तैनात करण्यात आली असून, मंगळवापर्यंत वाहतुकीवर निर्बंध घालण्यात आले आहेत.