राजीव गांधी हत्याप्रकरणातील दोषी नलिनीला पॅरोल

पार्थिवावर अंत्यसंस्कार करता यावेत यासाठी तिला एक दिवसाचा पॅरोल

Rajiv Gandhi.

माजी पंतप्रधान राजीव गांधी यांच्या हत्याप्रकरणी वेल्लोर कारागृहात शिक्षा भोगत असणारी नलिनी श्रीहरन हिची एका दिवसाच्या पॅरोलवर सुटका करण्यात आली आहे. नलिनीच्या वडिलांचे निधन झाले असल्याने त्यांच्या पार्थिवावर अंत्यसंस्कार करता यावेत यासाठी तिला एक दिवसाचा पॅरोल देण्यात आला. बुधवारी सकाळी नलिनी वेल्लोर कारागृहातून चेन्नईसाठी रवाना झाली. तिच्यासोबत दहा पोलीस कर्मचारी देखील आहेत. वडिलांवर अंत्यसंस्कार करण्यात आल्यानंतर तिला पुन्हा कारागृहात परत आणले जाणार आहे.
दरम्यान, नलिनी हिच्यासह अन्य सहा आरोपी तमिळनाडूळच्या वेल्लोर मध्यवर्ती कारागृहात ठेवण्यात आले आहे. या आरोपींना २८ जानेवारी १९९८ रोजी न्यायालयाने दोषी ठरविले होते. दोषींना सर्वोच्च न्यायालयाने जन्मठेपेची शिक्षा सुनावली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Nalini sriharan rajiv gandhi assassination convict gets parole for a day