scorecardresearch

Premium

उपमुख्यमंत्री अजित पवार अमित शाह यांच्या भेटीला, आजारपणानंतर पहिलाच दिल्ली दौरा

उपमुख्यमंत्री अजित पवार डेंग्यूतून बरे झाल्यानंतर पहिल्यांदाच दिल्ली दौऱ्यावर

Ajit Pawar and Amit Shah Meeting in Delhi
अमित शाहांच्या भेटीवर अजित पवारांनी भाष्य केलं आहे. ( संग्रहित छायाचित्र )

Latest Marathi news : उपमुख्यमंत्री अजित पवार यांनी आज पुण्यातल्या कार्यक्रमानंतर थेट दिल्ली गाठली. दिल्लीत त्यांनी केंद्रीय गृहमंत्री अमित शाह यांची भेट घेतली. यावेळी अजित पवार यांच्यासह सुनील तटकरे आणि प्रफुल्ल पटेलही होते. दिवाळीनिमित्त सदिच्छा भेट असल्याची ही माहिती आहे. मात्र या भेटीत राज्यातल्या परिस्थितीविषयी चर्चा झाल्याची शक्यताही आहे. या भेटीचा समोर आला आहे.

महाराष्ट्रात मनोज जरांगे पाटील यांच्या आंदोलनामुळे राज्यात मराठा आरक्षणाचा प्रश्न पेटला आहे. सगळ्यांना कुणबी प्रमाणपत्र द्या अशी मागणी मनोज जरांगे पाटील यांनी केली आहे. तसंच १५ नोव्हेंबरपासून मनोज जरांगे पाटील हे महाराष्ट्र दौराही सुरु करणार आहेत. तसंच मनोज जरांगे पाटील हे जेव्हा उपोषणाला बसले तेव्हा अजित पवार यांना डेंग्यूची लागण झाली होती. या आजारपणामुळे १५ दिवस अजित पवार सार्वजनिक कार्यक्रमात दिसले नव्हते. त्यानंतर आज अजित पवार यांनी शरद पवार यांची भेट घेतली. त्यानंतर तातडीने दिल्लीला रवाना झाले. गृहमंत्री अमित शाह यांची भेट घेतली. त्यांच्यात राजकीय चर्चाही झाल्याची शक्यता आहे.

ajit pawar
फडणवीसांच्या ड्रीम प्रोजेक्टला अजितदादांचा बूस्ट
asha workers protest at ajit pawar s bungalow
नागपूर: आशा स्वयंसेविकांचे उपमुख्यमंत्री अजित पवार यांच्या बंगल्यापुढे ठिय्या आंदोलन, मागणी पूर्ण होईस्तोवर…
ED raids properties of AAP MP ND Gupta personal secretary of Delhi Chief Minister Arvind Kejriwal and other AAP leaders
दिल्ली, प. बंगालमध्ये ‘ईडी’चे छापासत्र; पंतप्रधानांच्या इशाऱ्यानंतर कारवाई
Eknath Shinde Chhagan Bhujbal (1)
राजीनामा दिल्यानंतर कॅबिनेटमध्ये काय घडलं? छगन भुजबळ म्हणाले, “मुख्यमंत्री, उपमुख्यमंत्र्यांनी बोलावून घेतलं अन् मला…”

अमित शाह यांच्या भेटीच्या वेळी राष्ट्रवादी काँग्रेस अजित पवार गटाचे राष्ट्रीय कार्याध्यक्ष प्रफुल्ल पटेल, महाराष्ट्र अध्यक्ष सुनील तटकरे हे देखील सोबत होते. मागील काही दिवसांमध्ये राज्यात राजकीय घडामोडी सुरू आहेत. मराठा आरक्षण आंदोलन, ओबीसी आरक्षण आंदोलनाचा मुद्दा तापला आहे. राज्यात मराठा आरक्षणाच्या मुद्यावरून महायुतीच्या सरकारमधल्या मंत्र्यांची वेगळी विधानं दिसून आली तसंच मराठा आरक्षणाच्या मुद्यावर मुख्यमंत्री एकनाथ शिंदे हे एकटेच आंदोलनाला सामोरे जात असल्याचे चित्र होते. तर, उपमुख्यमंत्री देवेंद्र फडणवीस हे निवडणूक प्रचारात होते. तर, अजित पवार हेदेखील आजारी होते. अमित शाह आणि अजित पवार यांच्यात काय चर्चा झाली याचा तपशील समोर आलेला नाही. मात्र महाराष्ट्रातल्या या घडामोडींच्या पार्श्वभूमीवर ही भेट महत्त्वाची मानली जाते आहे.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ncp leader and deputy chief minister ajit pawar meet union home minister amit shah delhi scj

First published on: 10-11-2023 at 21:30 IST

संबंधित बातम्या

तुम्ही या बातम्या वाचल्या आहेत का? ×