राडिया यांच्या कंपन्यांविरोधात खटल्यांना अनुमती?

नीरा राडिया यांनी स्थापन केलेल्या वैष्णवी समूहातील कंपन्यांविरोधात खटला दाखल करण्यास कंपनी व्यवहार मंत्रालयाने गंभीर गुन्हे तपास कार्यालयास हिरवा कंदील दाखविला असल्याचे समजते.
प्रभावी व्यक्तींसमवेत राडिया यांनी केलेल्या संभाषणाचा तपशील उघड झाल्यानंतर त्यांनी दोन वर्षांपूर्वी सर्व कंपन्या बंद केल्या होत्या. गुन्हे तपास कार्यालयाने केलेल्या तपासानुसार कंपनी कायद्यातील अनेक तरतुदींचा भंग राडिया यांच्या कंपन्यांकडून झाला असल्याचे निष्पन्न झाले असून काही प्रकरणी त्यांना मोठा दंड किंवा दोन वर्षे तुरुंगवासाची शिक्षाही होऊ शकते.