दिल्लीच्या वेशीवरील नोईडात शुक्रवारी २१ वर्षे वयाच्या एका कामगार महिलेच्या बलात्कार व हत्येवरून चार पोलिसांना रविवारी निलंबित करण्यात आले. याप्रकरणी तीन संशयितांची चौकशी करण्यात येत आहे.जादा काम करून जादा पैसे मिळावेत यासाठी शुक्रवारी रात्री ही तरुणी जास्त वेळ काम करीत होती. तिथून निघून घरी येताना वाटेत तिची बलात्कारानंतर हत्या झाली. स्थानिक तरुण तिला पूर्वीही त्रास देत होते, अशी तिच्या घरच्यांची तक्रार आहे.मुख्यमंत्री अखिलेश यादव यांनी या तरुणीच्या कुटुंबियांना १५ लाख रुपयांचे सानुग्रह अनुदान तसेच कुटुंबातील एकाला नोकरी जाहीर केली आहे.