scorecardresearch

Premium

पाकव्याप्त काश्मीरमध्ये बसवर दहशतवाद्यांचा अंदाधुंद गोळीबार; ८ जणांचा मृत्यू, २६ जखमी

पाकव्याप्त काश्मीरमध्ये एका प्रवासी बसवर दहशतवाद्यांनी अंदाधुंद गोळीबार केला आहे.

terrorist attack on bus in pok
(फोटो सौजन्य- एक्स/@GilgitStudentsf)

पाकव्याप्त काश्मीरमधील गिलगिट बाल्टिस्तान प्रदेशात शनिवारी एका प्रवासी बसवर दहशतवाद्यांनी अंदाधुंद गोळीबार केला आहे. या गोळीबारात आठ जणांचा मृत्यू झाला आहे. तर २६ जण जखमी झाल्याची माहिती मिळत आहे. संबंधित बस गिलगिटहून रावळपिंडीकडे जात होती. दरम्यान, चिलास येथे संध्याकाळी साडेसहाच्या सुमारास दहशतवाद्यांनी अंदाधुंद गोळीबार केला.

या हल्ल्यानंतर चालकाचं बसवरील नियंत्रण सुटलं आणि बस विरुद्ध बाजूने येणाऱ्या ट्रकला धडकली, अशी माहिती एका पोलीस अधिकाऱ्याने दिली. चिलासचे पोलीस उपायुक्त आरिफ अहमद म्हणाले की, या हल्ल्यात ठार झालेल्या आठपैकी पाच जणांची ओळख पटली आहे. इतर २६ जण जखमी झाले असून त्यांच्यावर जवळच्या रुग्णालयात उपचार सुरू आहेत.

nafe singh rathee
हरियाणामध्ये गोळ्या झाडून हत्या झाली ते आयएनएलडी प्रदेशाध्यक्ष नफेसिंह राठी कोण होते?
sebi summons many former directors in financial irregularities in zee
‘झी’मधील आर्थिक गैरव्यवहारांच्या चौकशीचा विस्तार;‘सेबी’कडून कंपनीच्या अनेक माजी संचालकांना समन्स
dalit organizations demonstrate power by march in akkalkot
अक्कलकोटमध्ये दलित संघटनांच्या मोर्च्यातून घडले शक्तिप्रदर्शन
Nandurbar Hamali contract
ठाण्यानंतर नंदुरबारमध्येही सत्ताधाऱ्यांमध्ये संघर्ष, हमाली ठेक्यावरुन हाणामारीसह अपहरणप्रकरणी भाजपच्या माजी आमदाराविरुद्ध गुन्हा

‘इंडिया टुडे’च्या वृत्तानुसार, बसमध्ये असलेल्या दोन लष्करी सैनिकांचाही मृतांमध्ये समावेश आहे. तसेच या हल्ल्यात स्पेशल प्रोटेक्शन युनिटचा एक कर्मचारीही जखमी झाला आहे. बसमधील बहुतेक प्रवासी कोहिस्तान, पेशावर, घिझर, चिलास, राऊंडू, स्कर्दू, मानसेहरा आणि स्वाबी प्रदेशातील होते. हल्ल्यानंतर दहशतवादी घटनास्थळावरून पळून जाण्यात यशस्वी झाले असून त्यांचा शोध घेतला जात आहे.

अनेकांची प्रकृती चिंताजनक असून मृतांचा आकडा आणखी वाढण्याची शक्यता आहे. हल्ल्याच्या तपासाला सुरुवात झाली असून दहशतवाद्यांना पकडण्यासाठी शोधमोहीम सुरू आहे. आतापर्यंत या हल्ल्याची जबाबदारी कोणीही स्वीकारलेली नाही.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Open firing of terrorists on bus in pakistan occupied kashmir 8 dead 26 injured rmm

First published on: 03-12-2023 at 09:55 IST

संबंधित बातम्या

तुम्ही या बातम्या वाचल्या आहेत का? ×