पेट्रोल, डिझेल, एलपीजी दरात पुढील आठवडय़ात वाढ?

पेट्रोल, डिझेल, स्वयंपाकाचा गॅस आणि केरोसीनच्या दरात लवकरात लवकर म्हणजे पुढील आठवडय़ात वाढ होणार असल्याचे स्पष्ट संकेत पेट्रोलियममंत्री एस. जयपाल रेड्डी यांनी शुक्रवारी येथे दिले. अत्यंत कठीण आणि क्लेशदायक निर्णय घेणे गरजेचे आहे, असेही रेड्डी यांनी म्हटले आहे.पेट्रोलसह विविध तेल …

पेट्रोल, डिझेल, स्वयंपाकाचा गॅस आणि केरोसीनच्या दरात लवकरात लवकर म्हणजे पुढील आठवडय़ात वाढ होणार असल्याचे स्पष्ट संकेत पेट्रोलियममंत्री एस. जयपाल रेड्डी यांनी शुक्रवारी येथे दिले. अत्यंत कठीण आणि क्लेशदायक निर्णय घेणे गरजेचे आहे, असेही रेड्डी यांनी म्हटले आहे.
पेट्रोलसह विविध तेल उत्पादनांच्या दरांत त्वरित वाढ करण्याचा प्रस्ताव नाही, असे रेड्डी यांनी सांगितले. मात्र ही वाढ कधी होणार ते त्यांनी स्पष्ट केले नाही. पुढील आठवडय़ात मंत्रिमंडळाची बैठक झाल्यानंतर वाढ करण्यात येईल, असे संकेत मिळत आहेत. तेल कंपन्यांना उद्या केवळ पेट्रोलच्या दरात वाढ करण्याची परवानगी दिली तर राजकीय विरोधक डिझेल, स्वयंपाकाचा गॅस आणि केरोसीनच्या दरात वाढ करू देणार नाहीत, अशी मंत्रालयाला भीती वाटत आहे.
तेल कंपन्यांना डिझेल आणि स्वयंपाकाच्या गॅसच्या विक्रीपोटी दररोज ५६० कोटी रुपयांचा तोटा सहन करावा लागत आहे, तर पेट्रोलवर दररोज १६ रुपयांचा तोटा सहन करावा लागत आहे. त्यामुळे मंत्रालय दरवाढ करण्याच्या तयारीत आहे. दरात वाढ न केल्यास तेल कंपन्यांना दोन लाख कोटी रुपयांचा मोठा तोटा सहन करावा लागणार असून ही तूट भरून काढण्यासाठी पावले उचलणे गरजेचे आहे. त्यामुळेच आम्हाला क्लेशदायक निर्णय घ्यावे लागत आहेत, असेही रेड्डी म्हणाले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol diesel lpg kerosene hike petrol diesel lpg petrol diesel kerosene petroleum minister